ՀՀ ԱԳՆ-ում dեկտեմբերի 23-ին տեղի է ունեցել քաղաքական խորհրդակցություններ Հայաստանի եւ Ռուսաստանի արտաքին գործերի նախարարությունների միջեւ՝ համաեվրոպական քաղաքականություն եւ եվրաանվտանգություն թեմայով։ Այս մասին NEWS.am-ին հայտնում են ԱԳՆ-ից։
ՀՀ ԱԳՆ պատվիրակությունը գլխավորում էր Եվրոպայի վարչության պետ Տիգրան Սամվելյանը: ՌԴ կողմից խորհրդակցությունները վարել է ՌԴ ԱԳՆ Համաեվրոպական համագործակցության վարչության պետ Նիկոլայ Կոբրինեցը։
Խորհրդակցությունների ընթացքում քննարկվել են փոխադարձ հետաքրքրություն ներկայացնող մի շարք թեմաներ, մասնավորապես՝ ՀՀ-ՌԴ համագործակցությունը համաեվրոպական քաղաքականության եւ եվրաանվտանգության համատեքստում:
Հանդիպման ընթացքում կողմերը կարեւորել են նման հանդիպումների եւ քննարկումների պարբերական անցկացումը։