Հայաստանի խորհրդարանը քննարկել է «Օրինաց երկիր» կուսակցության հարցումը` հանրապետության տարածքում գազամատակարարման ծառայությունների վճարների նպատակահարմարության վերաբերյալ:
ՕԵԿ-ի տեսակետն, ընդհանուր առմամբ, հանգել է նրան, որ վճարների համակարգն արդարացված չէ, քանի որ սպառողները, վճարելով գազի համար, մեխանիկորեն վճարում են նաեւ տեխնիկական անվտանգության եւ մատակարարման ծառայությունների համար:
Այդ կարծիքին դեմ է արտահայտվել Հայաստանի էներգետիկայի եւ բնական պաշարների նախարար Արմեն Մովսիսյանը, ով հայտարարել է, թե գազաֆիկացման բարձր տեմպերի հետ միասին, պետք է բարձրացվի տեխնիկական սպասարկման մակարդակը, նաեւ որակյալ մեխանիզմներ ստեղծվեն երկնագույն վառելիքի սպառման անվտանգության համար:
«Բնականաբար, այդ ծառայությունները պետք է վճարվեն»,- նշել է նախարարը: Ընդ որում, նա շեշտել է, թե նախքան այս համակարգի ներդրումը դժբախտ միջադեպերի թիվը բարձր է եղել:
