Ցանցում հայտնվել է տեսանյութ, որտեղ կանադական Բրիտանական Կոլումբիայի նահանգի Սուրեյ կոմսության բնակիչը զարդարում է իր տան տոնածառը, իսկ նրա հավատարիմ շունը փորձում է օգնել նրան, տեղեկացնում է Gazeta-ն։
Նշվում է, որ տերերը շանը փրկել էին դեռ շնիկ եղած ժամանակ, վերցրել էին տուն եւ անունը Պոնչո դրել։
Տեսանյութի մակագրությունում ասվում է, որ շունն աչքը չի կտրում տիրոջից, որի անունը Բրենթ է, նրան տեսադաշտից բաց է թողնում միայն այն ժամանակ, երբ Բրենթը լոգարան է գնում։ Կադրերում երեւում է, թե ինչպես է տղամարդը զարդարում տոնածառը հյուրասենյակում, իսկ շունը հետեւում է նրան, ինչպես նաեւ մոտենում է նրան ու փորձում «օգնել խաղալիքներն ընտրելիս»։
«Պոնչոն հոգացել է, որպեսզի տոնածառը զարդարված լինի իր ճաշակով, եւ ստեղծվել է զարմանալի սուրբծննդյան մթնոլորտ»,- ասվում է տեսանյութի մակագրությունում։
