Տավուշի մարզի Կոթի համայնքում խմելու ջուր չկա, գազ չկա, այս գյուղը չլիներ ադրբեջանցիները վաղուց մտել էին։ Այս մասին այսօր՝ դեկտեմբերի 30-ին, ՀՀ վարչապետ Նիկոլ Փաշինյանի՝ Կոթի համայնք այցելության ժամանակ ասաց համայնքի բնակիչներից մեկը։
Տարածքային կառավարման եւ ենթակառուցվածքների նախարար Սուրեն Պապիկյանն էլ իր հերթին տեղեկացրեց, որ առաջին եռամսյակում ջրի հարցը լուծվելու է։
Տավուշի մարզպետ Հայկ Չոբանյանն էլ տեղեկացրեց, որ մարզում պոմպակայան են կառուցում։
Վարչապետն էլ ասաց բնակիչներին. «Ջրի հարցը պետք է լուծենք, գազն էլ կնայենք»։
Փաշինյանի այդ խոսքից հետո բնակիչներն ասացին. «Խոստացեք, որ գազի հարցը կլուծեք, որ խոստանում եք՝ լինում ա»։
Այնուհետեւ վարչապետը հեռադիտակով նայեց հակառակորդի կողմից հաճախ կրակոցներ հնչեցնելու տարածքը եւ այդ միջոցին իրեն մոտեցավ համայնքի մի բնակիչ, ում ներակայացրին համայնքի ամենաբազմավիրավոր մարդ. «Ինչքան կրակում են, իրեն է կպնում»։