Մեծ Բրիտանիան, Ֆրանսիան եւ Գերմանիան Իրանին պաշտոնապես մեղադրել են իրանական միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) պայմանները խախտելու մեջ, ինչը կարող է հանգեցնել կրկին ՄԱԿ պատժամիջոցների սահմանման, որոնք հանվել էին միջուկային գործարքի կնքնման շնորհիվ, հայտնում է Reuters-ը:
Եվրոպական տերությունները հայտարարել են, որ «գործում են հանուն ճգնաժամից խուսափելու, որն առաջացել էր միջուկային զենքի տարածմամբ, ինչն էլ հանգեցրել էր Մերձավոր Արեւելքում իրավիճակի սրման»:
Երեք պետությունները հայտարարել են, որ դեռեւս ցանկանում են Թեհրանի հետ կնքած ԳՀՀԾ հաջողությունը եւ չեն միանում ԱՄՆ նախագահ Դոնալդ Թրամփի վարչակազմի «առավելագույն ճնշման» արշավին, որը ԳՀՀԾ-ից դուրս էր եկել 2018 թվականին եւ Իրանի դեմ սահմանել տնտեսական պատժամիջոցներ:
Այսպիսով՝ երկրները գործարկել են ԳՀՀԾ իրականացման շրջանակում վեճերի կարգավորման մեխանիզմը:
