Սա շատ կարեւոր համաձայնագիր է, քանի որ մենք շատ արագ տեմպերով, ամբողջ մոլորակի հետ միասին, կորցնում ենք մեր կենսաբազմազանությունը, եւ Հայաստանը մտնում է կենսաբազմազանության առումով առավել «թեժ» 25 երկրների մեջ։ Այս մասին խորհրդարանի Տարածքային կառավարման, տեղական ինքնակառավարման, գյուղատնտեսության եւ բնության պահպանության մշտական հանձնաժողովի նիստում, «Աֆրո-եվրասիական չվող ջրլող թռչունների պահպանման մասին» համաձայնագրի վավերացման հարցի քննարկման ընթացքում հունվարի 16-ին ասաց Հայաստանի շրջակա միջավայրի նախարարի տեղակալ Իրինա Ղափլանյանը։
Այդ պատճառով, ինչպես կարծում է նախարարի տեղակալը, Հայաստանի համար շատ կարեւոր է ձեռնարկել բոլոր անհրաժեշտ քայլերը եւ կարեւորագույն միջոցառումները, որոնք ուղղված կլինեն կենդանիների, թռչունների եւ բուսականության հազվադեպ տեսակների պահպանմանը։
«Եվ այս համաձայնագիրը թույլ կտա մեզ անել դա»,- ասաց Ղափլանյանը։
Նշենք, որ համաձայնագրի անվանումը առաջացրեց խորհրդարանական հանձնաժողովի նախագահ Վարազդատ Կարապետյանի ծիծաղը, եւ հենց այն պահին, երբ սկսեց ընթերցել այն։
Այնուամենայնիվ, համաձայնագիրն ստացավ խորհրդարանի մշտական հանձնաժողովի դրական եզրակացությունը։
