ՍԴ նախագահ Հրայր Թովմասյանի բնավորությունն այնպիսին է, որ հնարավոր չէ նրան ինչ-որ ձեւով պաշտպանել կամ չպաշտպանել։ Այս մասին այսօր՝ հունվարի 20-ին, ԱԱԾ նախկին տնօրեն Գեորգի Կուտոյանի հուղարկավորության ժամանակ լրագրողներին ասաց Հանրապետական կուսակցության փոխնախագահ Գալուստ Սահակյանը՝ պատասխանելով հարցին՝ արդյոք անհրաժե՞շտ է պահպանել ՍԴ նախագահի անվտանգությունը։
«ՍԴ նախագահ Հրայր Թովմասյանի բնավորությունն այնպիսին է, որ հնարավոր չէ նրան ինչ-որ ձեւով պաշտպանել կամ չպաշտպանել։ Ինքն ազատ մարդ է եւ գնում է դեպի ազատություն»։
Հիշեցնենք, որ Երեւան քաղաքի Պարույր Սեւակի փողոցի բնակարաններից մեկում հայտնաբերվել է ԱԱԾ նախկին պետ Գեորգի Կուտոյանի դին՝ հրազենային վիրավորումով: Նրա դին հայտնաբերել է կինը: Հարուցվել է քրեական գործ` ինքնասպանության հասցնելու հոդվածով:
Նշենք, որ Ոստիկանությունում ծառայողական քննություն է նշանակված` պարզելու համար, թե ով է ոստիկանության այն աշխատակիցը, որը Facebook-ի իր էջում անպարկեշտ արտահայտություններ է արել ՍԴ նախագահ Հրայր Թովմասյանի հասցեին, ասելով, թե հաջորդն ինքն է լինելու:
Հաջորդը դու ես. Ոստիկանության համազգեստով քաղաքացին սպառնո՞ւմ է Հրայր Թովմասյանին (ֆոտո)