News
Լրահոս
News
Երեքշաբթի
Փետրվար 18
USD
479.05
EUR
519.43
RUB
7.57
ME-USD
0.05
Տեսնել լրահոսը

«Ազգային օրակարգ» կուսակցության խորհուրդը պահանջում է գործող իշխանությանից՝ հետ կանգնել Սահմանադրական դատարանի դատավորների նկատմամբ ճնշումների հակապետական եւ հակաժողովրդավարական գործելակերպից:

Կուսակցության խորհրդի տարածած հայտարարությունում ասվում է. «2019 թվականի դեկտեմբերի 11-ին ՀՀ Ազգային ժողովը 2-րդ ընթերցմամբ ընդունեց «Սահմանադրական դատարանի մասին» սահմանադրական օրենքում լրացում կատարելու մասին» ՀՀ օրենքի նախագիծը, որը ՀՀ Նախագահը, չնայած տարբեր քաղաքական ուժերի եւ մասնագիտական շրջանակների կոչերին, այնուամենայնիվ ստորագրեց, դրանով զարկ տալով Սահմանադրական դատարանի շուրջ լարվածության հերթական շրջափուլին:

Գործող իշխանությունն անցած 2019 թվականի ամբողջ ընթացքում փորձել է ձեւավորել մի թյուր պատկերացում, թե Սահմանադրական դատարանում առկա է ճգնաժամ, պայմանավորված նրանով, որ նրա դատավորների մեծ մասը ընտրվել են նախորդ իշխանության օրոք, եւ նպատակ է դրել ամեն գնով նրանց պաշտոնանկ անել։ Այդ նպատակին հասնելու համար այն գործի են դրել տարբեր մեխանիզմներ, ներառյալ Սահմանադրական դատարանի նախագահին կարգապահական պատասխանատվության ենթարկելու վերաբերյալ ԱԺ միջնորդության ներկայացումը, այնուհետեւ նրա նկատմամբ քրեական մեղադրանք առաջադրելը, դատավորների նկատմամբ անթաքույց հոգեբանական ճնշումը եւ տարբեր էժանագին շահարկումները՝ նպատակ ունենալով ձերբազատվել գործող իշխանության համար անցանկալի դատավորներից, եւ սեփական միանձնյա վերահսկողությունը հաստատել Սահմանադրական դատարանի նկատմամբ:

Մենք խորապես համոզված ենք, որ իրական ժողովրդավարության գոյությունը պայմանավորված է իշխանության մարմինների միջեւ զսպումների եւ հակակշիռների կուռ համակարգի առկայությամբ, որում անփոխարինելի է Սահմանադրական դատարանի ինստիտուցիոնալ դերն ու քաղաքական իշխանությունների փոփոխության դեպքում նրա գործունեության շարունակականության ապահովումը: Ավելին, վստահ ենք, որ Սահմանադրական դատարանի դատավորների կողմից ճնշումներին դիմագրավելու եւ իրենց սահմանադրական առաքելությունը պատվով շարունակելու պարագայում մեր պետությունը մեծ առաջընթաց կարձանագրի ժողովրդավարացման ճանապարհին՝ ապահովելով օրենքի գերիշխանության ամրապնդման հետեւողական ընթացքը: Հակառակը կլինի նահանջ ժողովրդավարությունից, եւ մեզ կվերադարձնի ավտորիտար կառավարման վատթարագույն ավանդույթներին, երբ պետական իշխանության բոլոր մարմինները կառավարվում են մեկ անձի կամ խմբավորման կողմից:

«Ազգային օրակարգ» կուսակցության խորհուրդը պահանջում է գործող իշխանությանից՝ հետ կանգնել Սահմանադրական դատարանի դատավորների նկատմամբ ճնշումների հակապետական եւ հակաժողովրդավարական գործելակերպից, եւ իր զորակցությունն է հայտնում Սահմանադրական դատարանի բոլոր այն դատավորներին, որոնք չընկրկելով, կշարունակեն պատվով կատարել իրենց սահմանադրական առաքելությունը:

Միաժամանակ կոչ ենք անում բոլոր առողջ քաղաքական եւ հասարակական ուժերին՝ գիտակցել պահի կարեւորությունը եւ միասնականորեն հակազդել տեղի ունեցող հակապետական գործողություններին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հրապարակ». Ընտրողներին պետք է բացատրեն՝ «սա Նիկոլ Փաշինյանի լինել-չլինելու հանրաքվեն է»
Սակայն որոշվել է ռեյտինգայինով ընտրված պատգամավորներին պատվիրակել մարզային հանդիպումները...
Չեմ կասկածում, որ հանրաքվեն «Այո» կասի եւ կհեռացնի Հրայր Թովմասյանին. Արշակ Սադոյան
Սադոյանի կարծիքով` Հրայր Թովմասյանը այլեւս իրավունք չունի լինել ՍԴ նախագահ…
Ինչպես պահպանել մեր զինվորների կյանքը. Ավետիք Չալաբյան
Բռնության վերջին ալիքը այս միտումների կուլմիանցիան է...
«Փաստ». Կարեւորը՝ վստահելի լինեն. իշխանությունն սկսել է պետական կառույցների «թավշեցման» երկրորդ խոշոր փուլը
նախ՝ աստիճանաբար ազատվելով «նախկիններից»՝ տեղավորել նաեւ...
«Հրապարակ». «Եկել էր ինձ հետ լուսանկարվելու». ԱՄՆ սենատորը՝ Արարատ Միրզոյանի այցի մասին
Մեր հայրենակիցը, պարզ հետաքրքրությունից դրդված, հարցրել է Մըքքոնելին...
«Ժողովուրդ». ԿԸՀ-ն հաշվարկ է անում, թե որքան գումար կծախսվի հանրաքվեի անցկացման համար
Նախնական տվյալներով այն կկազմի 2.5-2.7 մլրդ դրամ...
Ֆոտոռեպորտաժներ