YouTube-ը կհեռացնի ընտրությունների հետ կապված բովանդակությունը, որը մոլորության մեջ է գցում օգտատերերին, հայտնում է ՌԻԱ Նովոստին։
Հստակեցվում է, որ ծառայության ղեկավարությունն այդ որոշումն ընդունել է ԱՄՆ նախագահի ընտրությունների նախաշեմին։
Պարզաբանվում է, որ մարդիկ մտնում են YouTube, որպեսզի իմանան թեկնածուների մասին եւ տեսնեն, թե ինչպես է անցնում ընտրությունների սեզոնը։
Նոր կանոններով՝ ծառայությունը կարգելի տեխնիկապես կեղծված կամ անձնական նպատակներով օգտագործվող բովանդակությունը, որը մոլորության մեջ է գցում օգտատերերին։ Ծառայությունը նաեւ մտադիր է հեռացնել տեսանյութերը, որոնցում ոչ ճշմարիտ տեղեկատվություն (օրինակ՝ քվեարկության ոչ ճիշտ օր) է հաղորդվում ընտրությունների մասին։
Բացի այդ, նշվում է, որ կարգելափակվեն բոլոր ալիքները, որոնց տերերը իրենց ներկայացնում են ուրիշի փոխարեն կամ թաքցնում են իրենց կապը քաղաքական գործչի հետ, ինչպես նաեւ՝ հաշիվները, որոնք դիտումներ, լայքեր եւ մեկնաբանություններ են «շրջանառում»։