ՆԱՏՕ-ն ցանկանում է խուսափել Ռուսաստանի հետ «սպառազինության թանկարժեք մրցավազքից», ինչի համար անհրաժեշտ է «մշակել սպառազինության վերահսկման նոր միջոցներ»՝ նոր սերնդի հրթիռների  համար: Այս մասին չորեքշաբթի հայտարարել է Հյուսիսատլանտյան դաշինքի գլխավոր քարտուղար Յենս Ստոլտենբերգը՝ ժամանելով ՆԱՏՕ-ի երկրների պաշտպանության նախարարների հանդիպմանը, փոխանցում է ՏԱՍՍ-ը:

Նրա խոսքով՝ այսպիսին է դաշինքի գործողությունների ծրագիրը Միջին եւ փոքր հեռահարության հրթիռների ոչնչացման պայմանագրի տապալումից հետո, որից ԱՄՆ-ն միակողմանի կարգով դուրս է եկել՝ Ռուսաստանին մեղադրելով փաստաթղթի դրույթներին չհետեւելու մեջ: