Ըստ ներկայացված օրինագծի` ներման մասին խնդրագրերի չքննման եւ վերադարձի դեպքեր են պարզվել, ինչպես նաեւ տուժածների եւ նրանց իրավահաջորդների իրավունքների պաշտպանության մեխանիզմ է հաստատվել: Այս մասին փետրվարի 13-ին Ազգային ժողովի նիստին «Ներման մասին» օրենքում փոփոխություններ եւ լրացումներ կատարելու մասին օրինագծի քննարկման ժամանակ հայտարարեց ՀՀ արդարադատության փոխնախարար Սրբուհի Գալյանը:
Բացի այդ, կարգավորումներ են նախատեսված ներում շնորհելու խնդրագրերի քննման հետ կապված տեղեկատվության գաղտնիության ապահովման համար: Փոխնախարարի խոսքով` այս օրինագծի մշակումը պայմանավորված է ներման ինստիտուտն ավելի թափանցիկ եւ հաշվետու դարձնելու, տուժածների շահերի պաշտպանության ապահովման անհրաժեշտությամբ: Դա, ըստ Գալյանի, կօգնի լուծել ներում շնորհելու ինստիտուտում գործնականում առկա մի շարք խնդիրներ, կատարելագործել օրենսդրական դրույթները:
«Մասնավորապես, այդ դեպքերը կապված են վաղաժամ պայմանական ազատման, օրենքով սահմանված այլ հիմքով պատժից ազատման հետ, որպեսզի ներման մասին միջնորդությունը չշարունակվի քննվել»,- նշեց Գալյանը:
Փոխնախարարի խոսքով` այս օրինագծի ընդունումը կօգնի բացառել օրենսդրական նորմերի անարդյունավետ կիրառումը, վերացնել օրենսդրական բացերը եւ ապահովել որոշակի խմբի մարդկանց իրավունքները:
Այդպես, մասնավորապես, որոշակի ժամկետով ազատազրկման դատապարտված եւ իր պատիժը կրող անձին կարող է ներում շնորհվել, եթե նա փաստացի կրել է իր պատիժը սահմանված ժամկետի կեսի չափով:
Նշենք, որ այս օրինագիծն առաջին ընթերցմամբ միաձայն հաստատվել էր խորհրդարանականների կողմից: Նախագծին կողմ էր քվեարկել 108 պատգամավոր:
