Ողբերգական ավտովթար է տեղի ունեցել Արարատի մարզի՝ Մասիս-Նուբարաշեն ավտոճանապարհի 2-րդ կմ հատվածում, այսօր՝ փետրվարի 17-ին միմյանց են բախվել Volkswagen-ն ու 07-ը. կա 1 զոհ, 1 վիրավոր։ Այս մասին հայտնում է shamshyan.com-ը։

07-ի վարորդին տեղափոխել են Մասիսի հիվանդանոց: Ըստ նախնական տեղեկությունների՝ Volkswagen-ի վարորդը ավտոմեքենան վարելիս հանկարծամահ է եղել, ինչն էլ դարձել է վթարի պատճառ, իսկ բախման հետեւանքով 07-ը դուրս է եկել երթեւեկելի գոտուց եւ հայտնվել դաշտում:

Փաստի առթիվ Մասիսի քննչական բաժնում հարուցվել է քրեական գործ՝ ՀՀ ՔՕ 242-րդ հոդվածի 2-րդ մասի հատկանիշներով: Ոստիկանությունն ու քննչական բաժինը պարզում են մահացածի եւ վիրավորի ինքնությունը: