News
Լրահոս
News
Հինգշաբթի
Ապրիլ 02
USD
504.5
EUR
551.62
RUB
6.43
ME-USD
0.03
Տեսնել լրահոսը


Երեւանի ընդհանուր իրավասության դատարանը՝ դատավոր Մնացական Մարտիրոսյանի նախագահությամբ, այսօր՝ փետրվարի 19-ին, բավարարեց «5-րդ ալիք» ՀԸ սեփականատեր Արմեն Թավադյանի գործով քննիչի՝ կալանքի ժամկետը երկարացնելու վերաբերյալ միջնորդությունը։

Արմեն Թավադյանը կմնա կալանքի տակ եւս երկու ամիս։

Նրա պաշտպան Արամ Օրբելյանը լրագրողների հետ զրույցում ասաց, որ պաշտպանները գրավի միջնորդություն էին ներկայացրել, որը մերժվեց։

Նա նշեց, որ որոշման տեքստը իրենց չի տրամադրվել. «Կտրամադրվի տեքստը, կծանոթանանք եւ ենթադրում եմ, որ բողոքարկելու հիմքեր կլինեն։  Այս պահի դրությամբ չեմ տեսնում՝ ինչ հիմքով պիտի իրավաչափ լինի, որ 2 ամիս եւս մարդուն կալանքի տակ պահել»։

Հիշեցնենք, որ Արմեն Թավադյանը կալանավորվել է ՀՀ երկրորդ նախագահ Ռոբերտ Քոչարյանի աջակից ներկայացող Վարուժան Մկրտչյանի կողմից, ըստ Ոստիկանության տեսանյութի, «Մարտի 1-ի» գործով տուժողին ցուցմունքից հրաժարվելու առաջարկ անելու գործով։

Նրան կալանավորել են ՀՀ քրեական օրենսգրքի 340-րդ հոդվածի 4-րդ մասի 1-ին կետով նախատեսված (Սուտ ցուցմունք, կեղծ եզրակացություն տալու կամ սխալ թարգմանության համար կաշառելը կամ հարկադրելը) հանցավոր արարք կատարելու կասկածանքով:

!
Այս նյութը հասանելի է նաև   English and Русский
Տպել
Ամենաշատ