Զենք են գտել շենքի սանդղահարթակում, որտեղ բնակվում է Վրաստանի խորհրդարանի խոսնակ Արչիլ Թալաքվաձեն, ոստիկանությունը շրջափակել է համալիրը, հայտնել են երկրի ՆԳՆ մամուլի ծառայությունից:
«Առաջին եւ երկրորդ հարկերի միջեւ հայտնաբերվել է, հավանաբար, հրազեն: Զենքը հայտնաբերել է պետական անվտանգության ծառայության աշխատակիցը, որին հետեւել է իրավապահ մարմինների անհապաղ արձագանքը»,- լրագրողներին ասել են մամուլի ծառայությունից:
ՆԳՆ-ից հավելել են, որ քննություն է սկսվել հրազեն ապօրինի ձեռք բերելու եւ պահելու հոդվածով:
Ընդ որում՝ խորհրդարանի մամուլի ծառայությունից հերքել են օրենսդիր մարմնի խոսնակի բնակարանը կողոպտելու փորձի մասին տեղեկությունը: