News
Լրահոս
News
Երեքշաբթի
Մարտ 31
USD
500.8
EUR
554.34
RUB
6.3
ME-USD
0.03
Տեսնել լրահոսը

Հայաստանում Beeline-ը եւ Բրիտանական խորհրդի հայաստանյան գրասենյակը սկսում են «Կոդավորման հմտություններ. կամրջելով ներկան եւ ապագան» ծրագրի իրականացումը, որի մեկնարկը տրվեց նախօրեին Ավետիք Իսահակյանի անվան թիվ 16 ավագ դպրոցում։

Ծրագրով նախատեսվում է շահառու դպրոցների աշակերտների հետ անցկացնել կոդավորման արտալսարանային դասընթացներ, որոնք միտված են զարգացնելու աշակերտների թվային եւ այլ առանցքային հմտությունները՝ ներառյալ քննադատական եւ վերլուծական մտածողությունը, ստեղծարարությունը եւ համագործակցային աշխատանքը:

ՀՀ կրթության գիտության, մշակույթի եւ սպորտի նախարարության աջակցությամբ իրականացվող այս ծրագրով Երեւանի Ավետիք Իսահակյանի անվան թիվ 16, ինչպես նաեւ թիվ 170 եւ 97 ավագ դպրոցներում ներդրվել են Micro:bit ծրագրավորելի միկրո-սարքավորումներ, որոնք կրթական գործընթացը կդարձնեն առավել ինտերակտիվ, հետաքրքիր եւ արդյունավետ: Սարքավորումների հետ դպրոցներին են տրամադրվել են նաեւ դասավանդման եւ ուսումնառական համապատասխան ռեսուրսներ:

Ծրագրի մեկնարկի միջոցառմանը ներկա էին ՀՀ կրթության, գիտության, մշակույթի եւ սպորտի Արտաքին կապերի եւ սփյուռքի վարչության պետ Արկադի Պապոյանը, Հայաստանում Beeline-ի հանրային կապերի ղեկավար Նաիրա Նազարյանը, Բրիտանական խորհրդի հայաստանյան մասնաճյուղի տնօրեն Արեւիկ Սարիբեկյանը, դպրոցի ուսուցչական եւ աշակերտական կազմը:

«Հայաստանում Beeline-ն արդեն մի քանի տարի աշխատում է անել հնարավոր ամեն բան, որ մեր երիտասարդները կարողանան որակյալ թվային գիտելիքներ ստանալ եւ իրենց ապագա մասնագիտության հարցում կողմնորոշվել: Ուրախ եմ, որ այս հարցում մենք կարողացել ենք մեր ուժերը միավորել Բրիտանական խորհրդի հետ եւ որ ստացել ենք նախարարության աջակցությունը: Վստահ եմ, սա մասնագիտական մեծ ձեռքբերումների սկիզբ կլինի շատերի համար», - նշեց Հայաստանում Beeline-ի հանրային կապերի ղեկավար Նաիրա Նազարյանը:

Հայաստանում Բրիտանական խորհրդի գրասենյակի տնօրեն Արեւիկ Սարիբեկյանը նշեց. «Կոդավորումը 21րդ դարի հմտություններից է, որը խթանանում է քննադատական եւ վերլուծական մտածողությունը, ստեղծարարությունը, որոնք անհրաժեշտ են ցանկացած մասնագիտական ոլորտում: Ուրախ եմ, որ այս նախաձեռնությունն համընկնում է ՀՀ կրթության, գիտության, մշակույթի եւ սպորտի նախարարության որդեգրած առաջնահերթություններին եւ միտված է աշակերտներին զինելու համապատասխան հմտություններով հետագայում կրթական եւ աշխատանքային ուղին հարթելու համար»:

Ծրագի մեկնարկից առաջ նշված դպրոցների ՏՀՏ ուսուցիչները անցել են micro:bit գործիքակազմի օգտագործման վերապատրաստումներ եւ առաջիկա երեք ամիսների ընթացքում շուրջ 300 աշակերտի կծանոթացնեն սարքի գործածությանն ու կվարեն կոդավորման ներածական դասընթացներ:

Նախագծի ավարտին շրջանավարտների համար կկազմակերպվեն ինչպես ներդպրոցական, այնպես էլ միջդպրոցական մրցումներ` «Կոդավորման մարտահրավերներ» (Coding Challenge), որոնք հնարավորություն կընձեռեն նրանց ցուցադրել ձեռք բերած հմտություններն ու գիտելիքները:

Տպել
Կարդացեք նաև
Ամբողջը
Beeline-ն աջակցում է առողջապահության նախարարության կամավորներին
Beeline-ը, աջակցելով կամավորներին, Առողջապահության նախարարությանը տրամադրում է անվճար 2000 բջջային կապի կանխավճարային համակարգի հեռախոսաքարտեր...
Պարետի որոշման հետ կապված ժամանակավորապես դադարեցվում է Beeline-ի բոլոր սպասարկման գրասենյակների աշխատանքը
Beeline-ի հաճախորդների սպասարկման ծառայությունը հասանելի է շուրջօրյա, շաբաթական 7 օր՝ 0611 բջջային եւ 100 ֆիքսված հեռախոսակապից...
Նոր իշխանությունները ցանկանում է Հանրային հեռուստաընկերությանը վերադարձնել գովազդով գումար աշխատելու իրավունքը
Մինչև 2014 թվականը Հայաստանի հանրային հեռուստաընկերությունն ուներ գովազդ հեռարձակելու իրավունք, սակայն օրենքում փոփոխություններ կատարելուց հետո զրկվել էր այդ եկամուտներից...
Beeline-ի շարժական կապի բաժանորդները կարող են անվճար օգտվել մի շարք պետական կայքերից
Հիշեցնենք, որ Beeline-ն իր ֆիքսված եւ բջջային կապի բաժանորդների համար...
Հասանելի կրթություն բոլորի համար. «Ռոստելեկոմը» ընդլայնում է հեռավար կրության շրջանակները
Ընկերությունը հնարավորություն է ընձեռում ՀՀ բոլոր մալուխային հեռուստատեսության օպերատորներին վերահեռարձակելու Սմարթ հեռուստատեսության միջոցով հեռարձակվող Hybrid Edu (ch121) հեռուստաալիքը.
Beeline-ի հատուկ սակագներ ռոումինգում
Մարտի 17-ին, 15 օր գործողության ժամկետով անվճար տրամադրվել է 500 ՄԲ, մեր բոլոր բաժանորդներին...
Ամենաշատ