ԱԺ «Լուսավոր Հայաստան» խմբակցության ղեկավար Էդմոն Մարուքյանը Facebook-ի իր էջում տեսանյութ է հրապարակել եւ գրառում արել:
«Գազն անջատում են. Այսօր առավոտյան Գեղարքունիքի մարզի Մարտունի քաղաքի Զորավար Անդրանիկի 7/28 հասցեում»,-նշել է նա:
Տեսանյութում երեւում է, որ մի տղամարդ իր ձեռքին եղած փաստաթուղթն է լրացնում, իսկ բնակիչ կինը խնդրում է չանջատել գազը:
«Աշխարհն է կործանվում, դուք ձեր խիղճը կորցրած ման եք գալիս»,-ասում է կինը, ինչին հնչում է պատասխան. «Մենք մեր խիղճը չենք կորցրել, վառել ես, պետք է մուծես»:
