News
Լրահոս
News
Երեքշաբթի
Հուլիս 07
USD
485.12
EUR
546.92
RUB
6.72
ME-USD
0.02
Տեսնել լրահոսը

Fitch Ratings գործակալությունը վերանայել է Հայաստանի էմիտենտի դեֆոլտի երկարաժամկետ վարկանիշի (ԷԴՎ) կանխատեսումը՝ «Կայունից» «Բացասականի» եւ  ԷԴՎ-ն (Long-term Issuer Default Rating - IDR) հաստատել է «BB-» մակարդակում, նշված է մամուլի հաղորդագրության մեջ, որը հրապարակվել է Fitch Ratings կայքում: 

Ըստ մամուլի հաղորդագրության՝ COVID-19-ի հետեւանքով ցնցումը Հայաստանի տնտեսության վրա բացասաբար է անդրադառնում՝ հումքային ապրանքներից, Ռուսաստանի տնտեսությունից եւ տուրիզմից տնտեսության կախվածության պատճառով, ինչը միայն մասամբ է փոխհատուցվում նավթի ցածր գներից ստացված օգուտով:

«Սա կապված է Հայաստանի համեմատաբար բարձր զուտ արտաքին պարտքով եւ ընթացիկ գործողությունների հաշվի կառուցվածքային դեֆիցիտով, որը միայն մասամբ է ֆինանսավորվում պարտքային պարտավորություններ չստեղծող կապիտալի ներհոսքի հաշվին»,- նշում են հեղինակները:

«Fitch-ը կանխատեսում է, որ ՀՆԱ աճը 2021 թվականին մասամբ կվերականգնվի 5,5 տոկոսով, ինչը կպահպանվի ներքին պահանջարկի վերականգնմամբ, ներդրումների աճով եւ մասնավոր պահանջարկի ու հարկաբյուջետային քաղաքականության չափավոր նվազման պայմաններում զբաղվածության աճի աշխուժացմամբ»,- նշում են հեղինակները՝ հավելելով, որ վերականգնման տեմպերը զգալիորեն կախված են լինելու ճգնաժամի ընթացքից:

Fitch Ratings-ի կանխատեսումների համաձայն՝ պետական պարտքը կաճի 2019 թվականի վերջի ՀՆԱ 53,6 տոկոսից 2020 թվականին մինչեւ 59,2 տոկոսի, այնուհետեւ 2021 թվականին կնվազի մինչեւ 56,0 տոկոս:

Կորոնվիրուսի հետեւանքով ցնցումը Հայաստանի տնտեսության համար արտաքին ռիսկերը մեծացրել է: Fitch-ը կանխատեսում է, որ ընթացվիկ գործարքների հաշվի դեֆիցիտը կմնա բարձր. 2020 թվականին ՀՆԱ 8,5 տոկոս եւ 2021 թվականին 8,1 տոկոս՝ համեմատած 2018-2019 թվականներին միջին ցուցանիշի հետ, որը հավասար էր 8,8 տոկոսի, նշում են հեղինակները:

Ինչ վերաբերում է առանցքային առաջարկներին, հեղինակները նշել են. «Fitch-ը կարծում է, որ Հայաստանը կշարունակի լայն սոցիալական եւ քաղաքական կայունություն զգալ, եւ որ Ադրբեջանի հետ Լեռնային Ղարաբաղի հարցով հակամարտության տեւական էսկալացիա չի լինի այն մակարդակով, որը կկարողանար ազդել տնտեսական եւ  ֆինանսական կայունության վրա»:

Գործակալությունում նաեւ ակնկալում են, որ մակրոտնտեսական ցուցանիշները համապատասխանելու են Fitch-ի գլոբալ տնտեսության վերաբերյալ կանխատեսումներին, բայց ընդունում են, որ, հավանաբար, կենթարկվեն հաճախակի եւ հնարավոր է՝ զգալի փոփոխությունների նվազման ուղղությամբ՝ հաշվի առնելով գլոբալ ճգնաժամի էվոլյուցիոն բնույթը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Դոլարի փոխարժեքը հատեց 485 դրամի սահմանագիծը. եվրոն աննշան էժանացել է
Թանկարժեք մետաղների համար բանկի կողմից սահմանվել են հետեւյալ գները…
Կասեցվել է «Չանախ» ընկերության թթվասեր և կաթնաշոռ արտադրատեսակների արտադրությունը . ՍԱՏՄ
ՍԱՏՄ-ն կասեցրել է այս ընկերության թթվասեր և կաթնաշոռ արտադրատեսակների արտադրությունը, տրվել է ժամկետ հայտնաբերված խախտումները վերացնելու համար...
Գործունեության տեսակներից մինչև պետության կողմից ոչ բավարար իրազեկումներ. 8-րդ միջոցառման վերաբերյալ ՄԻՊ դիտարկումները
Միջոցառումն ընդունվել է 2020 թվականի մարտի 30-ին, որի շահառու են այն անձինք, ովքեր մարտի 13-30-ը եղել են միջոցառումը սահմանող Կառավարության որոշման…
Նախարարությունը փաստացի ձախողում է կենսաթոշակային ոլորտի առանցքային բարեփոխումը. Թադևոս Ավետիսյան
Կենսաթոշակային իրավունք տվող, առնվազն 10 տարվա ստաժ ունեցող քաղաքացիները կենսաթոշակի անցնում են 63 տարեկանից, իսկ չունեցողները՝ 65 տարեկանից...
Էկոնոմնախը գյուղատնտեսների համար մշակել է աշնանացան ցորենի արտադրության խթանման պետական աջակցության ծրագիրը
Ծրագրից կարող են օգտվել միայն Շիրակի, Սյունիքի, Գեղարքունիքի, Լոռու, Արագածոտնի, Տավուշի և Կոտայքի մարզերում 2-20 հա մակերեսով ցորենի ցանքատարածություններ մշակող տնտեսվարողները...
Լոռիում սպանդանոցային ծառայություններ է մատուցում 5 ընկերություն, առաջիկայում նրանց թիվը կավելանա ևս 5-ով
Հուլիսի 6-ին մարզպետ Անդրեյ Ղուկասյանն ընդունեց մարզում սպանդանոցային ծառայություններ մատուցող ընկերությունների ներկայացուցիչներին՝ գործընթացի իրականացման ուղղությամբ տարվող աշխատանքներին ծանոթանալու...
Ամենաշատ