Իտալիայի Ագային վիճակագրական բյուրոն (ISTAT) հայտարարել է այս տարի տնտեսական աճի գրեթե 8,3 տոկոսով կրճատման մասին, փոխանցում է Reuters-ը:

Տնտեսության զարգացման հեռանկարների մասին իր զեկույցում, որը հրապարակվել էր 2 տարի առաջ, ISTAT-ն աճի իր կանխատեսումը նվազեցրել էր 0,6 տոկոսով:

Կորոնավիրուսի համավարակը Իտալիայում խլել է գրեթե 34 հազար մարդու կյանք: Խիստ կարանտինը մարտին եւ ապրիլին հանգեցրեց մեծ թվով ֆաբրիկաների եւ ծառայությունների փակմանը:

«Այս տարի ՀՆԱ անկումը գլխավորապես կորոշվի ներքին պահանջարկի նվազմամբ՝ պաշարները հանած»,- նշված է ISTAT-ի կանխատեսման մեջ: Նշվում է, որ տնային տնտեսությունների ծախսերը կկրճատվեն 8,7 տոկոսով, իսկ ներդրումները՝ 12,5 տոկոսով:

Վիճակագրական բյուրոն կանխատեսում է, որ մյուս տարի տնտեսությունը մասնակի կվերականգնվի՝ ՀՆԱ-ի 4,6 տոկոս աճով:

Ենթադրվում է նաեւ, որ «երկրորդ կիսամյակում կորոնավիրուսի զգալի բռնկում չի լինի»:

ISTAT-ի կանխատեսմամբ՝ այս տարի գործազրկության միջին մակարդակը կկազմի 9,6 տոկոս: