2019 թվականին ԱՄՆ-ի կողմից Հայաստանին ցուցաբերված օգնությունը աճել է շուրջ 40 տոկոսով: Այս մասին հունիսի 11-ին ՀՀ Ազգային ժողովում մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկման ժամանակ ասաց ԱԳ նախարար Զոհրաբ Մնացականյանը:
Նրա խոսքով՝ Հայաստանի համար նաեւ անչափ կարեւոր է երկու մերձավոր հարեւանների՝ Վրաստանի եւ Իրանի հետ հարաբերությունները եւ համագործակցությունը զարգացնելը: «Վերջինը նպաստում է էներգետիկ եւ տրանսպորտային փոխադարձ կապերի ընդլայնմանն ու դիվերսիֆիկացմանը: Այս գործընկերությունն է՛լ ավելի է կարեւորվում կորոնավիրուսի դեմ պայքարի ժամանակահատվածում՝ ցուցադրելով առաջացած մարտահրավերին հակազդելու գործում մեր փոխկախվածությունը»,- նշեց Մնացականյանը: