Ազգային ժողովը կամք չունի ակտիվացնել կանանց նկատմամբ խտրականության դեմ աշխատանքները: Այս մասին այսօր «Ատելության քարոզչություն եւ գենդերային ինքնության հիմնախնդիրները» թեմայով քննարկման ժամանակ հայտարարեց իրավապաշտպան Զառա Հովհաննիսյանը:
«Մեր հասարակության մեջ դեռեւս տարածված է կանանց նկատմամբ սեքսիստական վերաբերմունքը»,-նշեց նա: Նրա խոսքով՝ այդ ուղղությամբ կարեւոր է օրենսդրական գործիքների տիրապետման մակարդակով աշխտանքը:
«Իմ քայլի» պատգամավոր Թագուհի Ղազարյանը նշեց, որ ատելություն տարածող հայտարարությունները կապված են այդ թվում խոսքի ազատության չարաշահման հետ:
«Այդ հայտարարությունները կարող են հանգեցնել ֆիզիկական բախումների եւ խմբերի միջեւ բռնության»,-ասաց նա:
«Փինք Արմենիա» կազմակերպության տնօրեն Մամիկոն Հովսեփյանը հավելեց, որ ատելություն տարածող հայտարարություններ են արվում նաեւ քաղաքական եւ հասարակական գործիչների կողմից, որոնք կեղծ տեղեկություն են տարածում ԶԼՄ-ների միջոցով, ինչն է, իր հերթին, հանգեցնում է ֆիզիկական բռնության:
