ՀՀ էկոնոմիկայի նախարարի տեղակալ Վարոս Սիմոնյանը եւ Ռուսաստանի արտահանման կենտրոնի արտահանման գործունեության կարգավորման բարելավման գծով գործադիր տնօրեն Ռաֆայել Աբրահամյանը տեսակապով քննարկել են հայ–ռուսական առեւտրատնտեսական համագործակցության խորացման հնարավորությունները։
Էկոնոմիկայի նախարարությունից NEWS.am-ին հայտնում են, որ քննարկմանը մասնակցել են Ռուսաստանի արտահանման կենտրոնի պատասխանատու աշխատակիցները, ՀՀ էկոնոմիկայի նախարարության եւ Ներդրումների աջակցման կենտրոնի պաշտոնատար անձինք։
Ռուսաստանի արտահանման կենտրոնի փոխգործակցության առաջարկի համատեքստում կողմերը քննարկել են Ռուսաստանի արտահանման կենտրոնի եւ Հայաստանի Ներդրումների աջակցման կենտրոնի միջեւ համակարգային գործընկերության ձեւավորման հարցը, նպատակ ունենալով փոխանակել ընտրված բարձրորակ նախագծերը, իրականացնել գործարքների համատեղ նախաձեռնում, գործընկերների հուսալիության ընտրություն եւ ստուգում, նախագծերի ապահովագրական եւ վարկային–երաշխիքային աջակցություն, ցուցահանդեսային եւ տոնավաճառային գործունեություն, լավագույն փորձի եւ վերլուծությունների փոխանակում, նախաձեռնել կրթական եւ վերապատրաստման ծրագրերի իրականացում:
Քննարկման ավարտին կողմերը պայմանավորվել են սեղմ ժամկետներում փոխանակել Ռուսաստանի արտահանման կենտրոնի եւ Հայաստանի Ներդրումների աջակցման կենտրոնի միջեւ համագործակցության հանաձայնագրի տեքստը` փոխգործակցության հստակ ձեւաչափերի ձեւակերպմամբ: