ԱՄՆ պետքարտուղար Մայքլ Պոմպեոն երկուշաբթի հայտարարել է, որ Միացյալ Նահանգների իշխանությունները կարող են պատասխանել քայլեր ձեռնարկել ԱՄՆ պաշտոնյաներին մուտքի վիզաներ տրամադրելու սահմանափակումների մասին Չինաստանի սպառնալիքներին։ Չինաստանի իշխանությունները հայտարարել էին իրենց մտադրության մասին այն բանից հետո, երբ Պոմպեոն հայտարարել էր ՉԺՀ-ի մի շարք ներկայացուցիչների դեմ վիզային պատժամիջոցների կիրառման մասին՝ Հոնկոնգի նկատմամբ գործողությունների համար, փոխանցում է ՏԱՍՍ-ը։
«Չինաստանի Կոմունիստական կուսակցության կողմից ԱՄՆ քաղաքացիների համար վիզաների տրամադրման սահմանափակման սպառնալիքը Պեկինի կողմից Հոնկոնգի ժողովրդի առջեւ իր պարտավորությունները ստանձնելուց հրաժարվելու ամենավերջին օրինակն է: Մեզ ոչինչ չի խանգարի պատասխան գործողություններ ձեռնարկել»,- գրել է ամերիկյան դիվանագիտության ղեկավարը Twitter-ի իր էջին:
Երկուշաբթի օրը Չինաստանի արտաքին գործերի նախարարության պաշտոնական ներկայացուցիչ Չժաո Լիցզյանը հայտարարել էր, որ Չինաստանի իշխանություններն անհրաժեշտ միջոցներ կձեռնարկեն ԱՄՆ պաշտոնյաների դեմ՝ ի պատասխան այն պատժամիջոցների, որոնք վերջերս Վաշինգտոնը կիրառեց չինացի պաշտոնյաների դեմ «Հոնկոնգյան ինքնավարության խախտման» կապակցությամբ: Մասնավորապես, պաշտոնյան հայտարարեց ԱՄՆ պաշտոնյաների համար վիզայի սահմանափակումներ կիրառելու մասին որոշում:
Վեճեր Հոնկոնգի պատճառով
Մայիսի 28-ին Ժողովրդական ներկայացուցիչների համառուսաստանյան ժողովը (ՉԺՀ գերագույն օրենսդիր մարմին) բանաձեւ էր ընդունել Հոնկոնգում ազգային անվտանգությանն առնչվող օրինագծի մշակման վերաբերյալ: Ենթադրվում է, որ նոր իրավական ակտի շնորհիվ Չինաստանի իշխանությունները կկարողանան օպերատիվ կերպով կանխել արմատականների գործողությունները, որոնք անցյալ տարվա հունիսից նոյեմբեր ամիսներին վարչական շրջանի տնտեսությանը զգալի վնաս հասցրած բազմաթիվ անկարգությունների պատճառ էին դարձել: Գլխավոր խնդիրն իր տարածքում հատուկ կոմիտեի ստեղծումն է, որը հաշվետու է կենտրոնական կառավարությանը: Միեւնույն ժամանակ, Հոնկոնգի ոստիկանությունը եւ տեղական արդարադատության նախարարությունը իրենց կազմում հատուկ ստորաբաժանումներ կստեղծեն։
Ուրբաթ ԱՄՆ-ի պետքարտուղար Մայքլ Պոմպեոն հայտարարել էր, որ ԱՄՆ-ն վիզային պատժամիջոցներ է մտցնում ՉԺՀ մի շարք պաշտոնյաների նկատմամբ՝ Հոնկոնգի նկատմամբ քայլերի կապակցությամբ: Ըստ նրա, ԱՄՆ նախագահ Դոնալդ Թրամփը խոստացել է «պատժել Չինաստանի Կոմունիստական կուսակցության պաշտոնատար անձանց, ովքեր պատասխանատու են ազատությունը կաշկանդելու համար» այս հատուկ վարչական շրջանը:
Ըստ նրա՝ ԱՄՆ նախագահ Դոնալդ Թրամփը խոստացել է «պատժել Չինաստանի Կոմունիստական կուսակցության պաշտոնատար անձանց, ովքեր պատասխանատու են այս հատուկ վարչական շրջանում ազատությունը կաշկանդելու համար»:
Ըստ South China Morning Post-ի՝ Ժողովրդական ներկայացուցիչների համաչինական ժողովի մշտական կոմիտեն երեքշաբթի օրենք էր ընդունել Հոնկոնգում ազգային անվտանգության ապահովման մասին։
