News
Լրահոս
News
Չորեքշաբթի
Օգոստոս 12
USD
485
EUR
570.6
RUB
6.64
ME-USD
0.01
Տեսնել լրահոսը

Նոր տիպի կորոնավիրուսի համաճարակով պայմանավորված` «Ռոստելեկոմ» ընկերությունը շուրջ չորս ամիս է աշխատանքը կազմակերպում է հեռավար՝ բացառությամբ որոշ ստորաբաժանումների:

Այս ամբողջ ընթացքում ընկերությունը բարելավել է հաճախորդների սպասարկմանը և աշխատանքի արդյունավետ կառավարմանն ուղղված մի շարք ծառայություններ, ինչպես նաև հանդես է եկել տան  և բիզնեսի համար  ժամանակակից և նորարական առաջարկներով:

Թվում է՝ նմանատիպ իրավիճակներում ամենից շատ տուժում են աշխատանքի այն տեսակները, որոնց գործունեության հիմնական բաղադրիչը շփումն է մարդու հետ, իհարկե, կենդանի շփումը դժվար է փոխարինել հեռավարով, սակայն ընկերությունը ձեռնարկել է բոլոր անհրաժեշտ միջոցառումները, որպեսզի աշխատանքային գործառույթները դրանից չտուժեն: Եվ այս ամենը հնարավոր է պրոֆեսիոնալ, պատասխանատու և նվիրված ԹԻՄԻ շնորհիվ, և այն արժեքների և հմտությունների, որոնք նրանք ցուցաբերում են աշխատանքի ընթացքում:

Teamwork Makes The Dream Work

«Բարդ իրավիճակները հավանաբար միավորող ինչ-որ հատկություն ունեն, և թիմի իրական պատկերն առավել տեսանելի է դառնում հենց նման իրավիճակներում: Մեր ընկերության համար առաջնայինը աշխատակիցների առողջությունն է, և արդեն 4 ամիս է մեր թիմի մեծ մասը աշխատանքը իրականացնում է տանից: Հպարտանալու առիթ է տեսնել՝ ինչպես են մեր աշխատակիցներն աշխատում նման պայմաններում, որովհետև բացահայտվում են մարդկային տարբեր հատկանիշներ, և այն պոտենցիալը, որը սովորական աշխատանքային օրերին երբեմն գուցե տեսանելի չէ: Մենք շատ բարձր ենք գնահատում մեր բոլոր ստորաբաժանումների աշխատակիցներից յուրաքանչյուրի աշխատանքը, և բոլորի ջանքերը միասին, որոնք ուղղված են հաջողություն գրանցելուն: Այս ամենի արդյունքը, իհարկե , առավել տեսանելի է մեր բաժանորդների կողմից, ում գոհունակության խոսքերը փաստում են ընկերության թիմային աշխատանքի հաջողված լինելու մասին»:

Հայկ Ֆարամազյան, «Ռոստելեկոմ» ընկերության գլխավոր տնօրեն

Միասնականություն և արդյունավետություն

«Սովորաբար աշխատանքի հեռավար կազմակերպումը ռիսկային է համարվում թիմային ոգու պահպանման, համախմբվածության, ինչպես նաև բարձր ներգրավվածություն ապահովելու տեսանյունից: Չնայած իրավիճակին՝ աշխատակիցները պահպանել են ճկունությունը, պատրաստ են տարբեր փոփոխությունների աշխատանքի կազմակերպման, ինչպես նաև երբեմն ժամանակավորապես նոր գործառույթներ իրականացնելու և գործընկերներին աջակցելու հարցում: Շնորհիվ նորագույն տեխնոլոգիաների՝ մենք շարունակում ենք անձնակազմի համալրման գործընթացները՝ անցկացնելով հեռավար հարցազրույցներ, հանդիպումներ ու քննարկումներ, շարունակում ենք ինքնակրթության և զարգացման մեր ծրագիրը, ինչի շնորհիվ ՄՌԿ թիմը վերազինվում է նոր գիտելիքներով և, ամենակարևորը՝ մենք հասանելի ենք բոլոր հարթակներում և բոլոր հավանական ու անհավանական կապի միջոցներով:         

Եվս մեկ անգամ համոզվել ենք, որ ամուր թիմը ամենակարևոր գործոնն է ցանկացած բարդ իրավիճակում:

Անի Գրիգորյան, Մարդկային ռեսուրսների կառավարման դեպարտամենտի ղեկավար

Արագագործություն և պրոֆեսիոնալիզմ

«Մեր գործընկերների շնորհիվ՝ մենք մեկ օրում կարողացանք ապահովել Զանգերի կենտրոնի հեռավար աշխատանքը՝ տրամադրելով անհրաժեշտ տեխնիկա, սարքավորումներ և համապատասխան ծրագրեր: Շատ մեծ թվով զանգեր ենք ստացել, Զանգերի կենտրոնն աշխատում էր ծանրաբեռնված, սակայն այս ընթացքում, ոչ մի գործարք չի տուժել և իհարկե դա միայն ու միայն մեր աշխատակիցների թիմային ոգու և նվիրվածության շնորհիվ է, երբ անգամ հերթափոխից դուրս՝ աշխատակիցները, տեսնելով զանգերի թիվը, միանում և արագ պատասխանում էին զանգերին: Դրա արդյունքը այն ցուցանիշն է, որը մենք գրանցում ենք այսօր՝ շուրջ 9 անգամ ավելացել է հեռախոսային սպասարկման միջոցով հաճախորդների սպասարկումը, քան նախակարանտինյան շրջանում: Եվ իհարկե սա այն պատրաստակամության շնորհիվ է նաև, որը ցուցաբերում են այլ բաժինների աշխատակիցները՝ միանալով Զանգերի կենտրոնի աշխատանքին՝ հաճախորդների սպասարկումն իրականացնելիս: Շատ շնորհակալ ենք բոլորին, նվիրված աշխատանքի և դրական տրամադրվածության համար:»

Աննա Անանյան, Հաճախորդների սպասարկման  դեպարտամենտի ղեկավար

Ճկունություն և կրեատիվություն

Արտակարգ դրությունը, ինչպես և այլ ստորաբաժանումների, այդպես էլ մարքեթինգի թիմի համար մարտահրավեր էր: Անհրաժեշտ էր ադապտացնել կոմունիկացիոն ուղիները արտակարգ դրությանն ու հանդես գալ իրավիճակային նոր գաղափարներով, առաջարկներով, պրոդուկտներով ու գովազդային արշավներով: Արդեն 4 ամիս է կոնֆերանս տեսազանգերի ու տեքստային հաղորդագրությունների մի շարք հավելվածներ դարձել են մեր թիմի «աշխատասենյակը»՝ լի աղմկոտ թիմի ստեղծագործ բզզոցով: Այս միջոցներով իրականացնում ենք ակտիվ քննարկումներ, կիսվում ենք գաղափարներով, մասնագիտական հոդվածներով և հղումներով, շուկայում կատարվող փոփոխություններով, որոնք հաճախ ուղեկցվում են հին ու բարի հումորներով, և պարզապես ամեն գնով պահում ենք թիմային ոգին:

Սա աշխատանքային նոր ձևաչափ է, որի միջոցով արդեն ծնվել և իրականացվել են նոր գաղափարներ, իրականցվել են մի շարք գովազդային արշավներ, և կյանքի են կոչվել նոր նախագծեր: Եվ այս ամենը բարեհաջող կյանքի է կոչվում միայն այն պարզ պատճառով, որ մենք ԹԻՄ ենք, որի անդամներից յուրաքանչյուրը աշխատանքային ժամին, թե դրանից դուրս, պատրաստ է օգնել մյուսներին միշտ՝անկախ իրավիճակ արտակարգ լինելուց:

Տիգրան Արզումանյան, Մարքեթինգի դեպարտամենտի ղեկավար

Պատրաստակամություն և նվիրվածություն

«Երկրում ստեղծված արտակարգ իրավիճակը դուրս բերեց մեզ մեր «կոմֆորտ» դաշտից, և օգնեց բացահայտել մեզ նորովի։ Գիտակցելով, որ ապրում  ենք 21-րդ դարում, չէինք  պատկերացնում, որ բարձր տեխնոլոգիաները այսպիսի մասշտաբային դեր ունեն մեր կյանքում։ Նրանց օգնությամբ կարողացանք հեշտությամբ հաղթահարել նետված մարտահրավերները, և պատվով դուրս գալ ստեղծված իրավիճակից։  Ուրախ և հպարտ ենք, որ  կարողացանք նման արագությամբ վերադասավորել մեր աշխատանքը ,  և նույնիսկ այդ պայմաններում կարողացանք գրանցել հնարավոր առավելագույն արդյունք»:

«Թվում էր՝ վաճառքի և սպասարկման սրահների որոշ ժամանակով փակ լինելը շատ աշխատակիցների անգործության պատճառ կդառնար, սակայն պատկերը հակառակն է, նույնիսկ՝ ավելի ծանրաբեռնված, քան նախկինում: Վաճառքի թիմը շատ արագ կարողացավ վերադասավորել աշխատանքը և միացալ Զանգերի կենտրոնին՝ աջակցելու բաժանորդներին՝ հեռախոսային սպասարկման միջոցով:  24/7 բոլորս հասանելի էինք, վերացել էին շաբաթ – կիրակի, գիշեր – ցերեկ հասկացողությունները, ինչը իրականում բավականին հաճելի է, երբ կա ամուր և նվիրված թիմ »:

«Երբ աստիճանաբար վերաբացվեցին ՎՍՍ-ները հիմնական աշխատանքին զուգահեռ նաև հարկավոր էր զգոն լինել և պահպանել անվտանգության կանոնները: Հաճելի է և պատասխանատու է նաև մասը լինելու այն աշխատանքի, որ տարվում է ամբողջ երկրում՝ իրազեկել քաղաքացիներին հակահամաճարակային միջոցառումների, անվտանգության կանոնների և այլ կարևոր քայլերի մասին: Ամենօրյա նմանատիպ աշխատանքի շնորհիվ, ինչպես նաև օրինակ ծառայելով սոցիալական հեռավորություն պահպանելու, դիմակներ և ձեռնոցներ կրելու, ախտահանիչ այլ միջոցներ օգտագործելու առումով՝ մենք ունեցանք ավելի իրազեկ և կարգապահ բնակիչներ: Եվ ի պատասխան հաճախորդներից մեկի հարցին՝  «Հա, փաստորեն, էս գրածները ճի՞շտ են», ասենք, որ, այո՛, ոչ միայն ճիշտ են, այլև՝ պարտադիր» ,- իրար լրացնելով և դեպքեր հիշելով՝ փաստում են Մանրածախ վաճառքի դեպարտամենտի աշխատակիցները:

Զգոնություն և հետևողականություն

«Իրականում շատ պատասխանատու է աշխատել տանից, քանի որ անհրաժեշտ է պահպանել զգոնությունը, անընդհատ կապի մեջ լինել, հատկապես արտակարգ դրության առաջին ամիսների ընթացքում մեծ ակտիվություն էր նկատվում մամուլում օպերատորների գործունեության վերաբերյալ, և անհրաժեշտ էր միևնույն ժամանակ հասանելի լինել թե՛ գործնականում, թե՛ տանը: Տարբեր քննարկումներ, նախագծեր, անգամ շնորհանդեսներ իրականացվում են առցանց տարբերակով, և կարծես թե, մենք՝ ինքներս, արդեն սովորել և հարմարվել ենք աշխատանքային նոր ձևաչափին: Բացի այդ՝ հետաքրքիր մարտահրավեր է աշխատել տանից, որովհետև հիմնական թիմից բացի աշխատանքում ներգրավվում են նաև այլ «թիմակիցներ», ամենից հաճախ՝ մեծ տարիքային տարբերությամբ»:

Հայկուհի Գրիգորյան, Արտաքին կոմունիկացիաների և մեդիա հարաբերությունների պատասխանատու

Պատասխանատվություն և կազմակերպվածություն

«ՏՏ դեպարտամենտի աշխատանքում, կարծես թե, միայն աշխարհագրությունն է փոխել, տարբերություն չկա` գրասենյակի ներսում ենք, թե՝ տանը, շատ արագ և պատշաճ կերպով մեր աշխատակիցները կարողացան «զինել» գործընկերների համակարգիչները անհրաժեշտ ծրագրերով, ըստ անհրաժեշտության տրամադրվել են լրացուցիչ սարքեր և ապահովվել է իհարկե հեռահար հասանելիություն և կապ գրասենյակի համակարգիչներին, որը, թերևս, ամենակարևորներից էր այս պարագայում: Ցանկացած պահի գործընկերների կողմից ներկայացվող տեխնիկական խնդիրներին տրվում է ամենաարագ լուծումը»:

 Պավել Աբելյան, ՏՏ դեպարտամենտի ղեկավար

Ռիսկայնություն և ծանրաբեռնվածություն

«Այնուամենայնիվ հարկ է նշել, որ ընկերության շատ աշխատակիցներ աշխատանքը շարունակել են տանից դուրս գալով: Արտակարգ դրության ընթացքում «Ռոստելեկոմ»-ը շարունակել է բնակարանային միացումներ կատարել բաժանորդների ցանկությամբ՝ պահպանելով անվտանգության բոլոր կանոնները: Շատ պատասխանատու և ռիսկային է այս ընթացքում տանից դուրս գալ՝ փոխել շփման շրջանակը և վերադառնալ տուն՝ ընթացքում շփվելով նաև գործընկերների հետ: Բացի այդ ամենօրյա ռեժիմով իրականացվում է ցանցի մոնիթորինգ՝ ցանցի ծանրաբեռնվածությունը վերահսկելու և  բաժանորդներին անխափան և որակյալ կապով ապահովելու նպատակով:  Բարեբախտաբար, աշխատանքները բարեհաջող կերպով իրականացվում են և, այս ընթացքում աշխատակիցներից ոչ ոքի առողջությանը վտանգ չի սպառնացել»:

Արամ Ավետիսյան, Տեխնիկական տնօրեն

Տպել
Կարդացեք նաև
Ամբողջը
«Ռոստելեկոմ»-ի աջակցությամբ պարգևավճարներ են տրամադրվել Գավառի պոլիկլինիկայի բուժանձնակազմին
Պոլիկլինիկայի տնօրեն Պարույր Կուռոյանի կողմից ներկայացվեց համավարակի պայմաններում պոլիկլինիկայի աշխատանքը, ինչպես նաև կազմակերպիչները մանրամասնեցին...
Starthub-ն աջակցում է Կ. Գյուլբուդաղյանի հետ առցանց հանդիպման կազմակերպմանը՝ նվիրված Berkeley SkyDeck-ի ընտրական փուլին
Կարենը սովորել է Ստենֆորդի համալսարանում, Լոմոնոսովի անվան Մոսկվայի պետական համալսարանում, Երևանի պետական համալսարանում…
40 ԳԲ ինտերնետ նվեր կստանան Beeline-ի այն բաժանորդները, որոնք իրենց SIM քարտը կփոխարինեն նոր 4G USIM-ով
Առաջարկը հասանելի է կանխավճարային և հետվճարային բոլոր ՍՓ-ին` բացառությամբ շարժական կապի ինտերնետ ՍՓ-երի: Առաջարկը հասանելի է միայն…
Beeline ստարտափ ինկուբատորի 3-րդ ցիկլի շրջանավարտ D’efekt-ին գնել է PicsArt ընկերությունը
Նշենք, որ PicsArt-ն աշխարհում ամենամեծ հաջողության հասած ստարտափներից է, որի ընդհանուր ֆինանսավորումը կազմում է 54 միլիոն դոլար: PicsArt-ի…
Team Telecom Armenia-ն 500 Գիգաբիթ/վայրկյանում թողունակությամբ ցանց է կառուցում (ֆոտո)
Հայաստանը շուտով կունենա նոր գերհզոր թողունակություն ունեցող կապուղի, կառուցման աշխատանքները արդեն սկսել են։ Այս մասին իր թվիթերյան միկրոբլոգում...
ՏՄՊՊՀ-ն հրապարակել է «ՎԵՈՆ Արմենիա» և «ԹԻՄ» ընկերությունների համակենտրոնացումը պայմանով թույլատրելու մասին որոշումը
Որոշմամբ ի գիտություն է ընդունվել, որ «ԹԻՄ» ՍՊԸ-ն համակենտրոնացումը գործողության մեջ դնելուց հետո առնվազն վեց ամսվա ընթացքում...