News
Լրահոս
News
Կիրակի
Օգոստոս 09
USD
485
EUR
573.17
RUB
6.58
ME-USD
0.01
Տեսնել լրահոսը

Կառավարությունն իր այսօրվա՝ հուլիսի 9-ի նիստում որոշում կայացրեց թույլատրել «Բարձրավոլտ էլեկտրացանցեր» փակ բաժնետիրական ընկերությանը «Լիճք» ենթակայանի վերակառուցման աշխատանքներն իրականացնելու նպա¬տա¬կով «Կասկադ-էներգո» ՍՊԸ-ի հետ 8 857 600 ԱՄՆ դո¬լար արժեքով պայմանագրի կնքումը:

Հարցը ներկայացրեց Տարածքային կառավարման եւ ենթակառուցվածքների նախարար Սուրեն Պապիկյանը՝ նշելով, որ հրատապությունը պայմանավորված է նրանով, որ վերջերս կառավարության կողմից հավանության է արժանացել «Մասրիկ-1» արեւային ենթակայանի կառուցումը, իկ արտադրված էլեկտրաէներգիան պետք է ընդունվի «Լիճք» կայանի միջոցով:

«Այս պահին «Լիճքը» ի վիճակի չէ սա իրականացնել, որովհետեւ այդ կայանը շահագործման է հանձնվել 1961 թվականին  եւ այստեղ շինարարական աշխատանքների կարիք կա: Հաշվի առնելով, որ «Մասրիկ-1»-ի ֆինանսավորումը մեր կողմից արդեն հաստատվել է, շուտով կսկսվի շինարարությունը, մեր կողմից հրատապ քայլեր են պետք, որ ավարտենք «Լիճքը»: «Լիճքի» շինարարությունը պետք է իրականացվի «ԲԷՑ»-ի միջոցների հաշվին: Սա եւս աննախադեպ է, նախկինում բոլոր մեր ենթակայանները վերակառուցվել ու կառուցվել են վարկային միջոցների հաշվին»,-ասաց Պապիկյանը՝ հավելելով, որ իրենք գնային առաջարկներ են ուղարկել նման կայանների կառուցման հաջողված փորձ ունեցող կազմակերպություններին:

«Միակ արձագանքը «Կասկադ Էներգո»-ի կողմից է եղել: Նախնական առաջարկը կազմել է 9 998 232 ԱՄՆ դոլար: Այս փուլում առաջարկում ենք թույլ տալ «Բարձրավոլտ էլեկտրացանցեր»-ին  այդ  աշխատանքներն իրականացնելու նպա¬տա¬կով «Կասկադ-էներգո» ՍՊԸ-ի հետ 8 857 600 ԱՄՆ դո¬լար արժեքով պայմանագրի կնքել»,-ասաց Պապիկյանը՝ հավելելով, որ սա նաեւ Արցախի էներգետիկ անվտանգության հետ կապված կարեւոր դերակատարում ունեցող ենթակայան է:

Նախարարը հավելեց, որ տեխնիկապես հնարավոր է 6-8 ամսում շինարարական աշխատանքները կատարել:

Իր հերթին վարչապետ Նիկոլ փաշինյանը պարզաբանեց, թե ինչով է պայմանավորված հրատապությունը. «Պայմանագի համաձայն, այն պահին, երբ «Մասրիկ-1» կայանը սկսի էլեկտրաէներգիա արտադրել, ՀՀ-ն պարտավոր է այդ էլէներգիան ձեռք բերել, բայց եթե նույնիսկ ձեռք չբերի, պարտավոր է դրա համար վճարել: Դրա համար պետք է սինխրոնացնենք «Մարսիկի» եւ «Լիճք» ենթակայանի շահագործման ժամկետները, որ Հայաստանը վնասներ չկրի»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պլանային գազանջատում Արարատի մարզի Գեղանիստ գյուղում
Պլանային աշխատանքներ իրականացնելու նպատակով օգոստոսի 7-ին ժամը 09․00-ից մինչև ժամը 18․00-ն...
Պլանային գազանջատում Կոտայքի մարզում
Կոտայքի մարզի Նոր Արտամետ գյուղի գազասպառողների գազամատակարարում...
Նավթի գները նվազում են
WTI տեսակի նավթի սեպտեմբերյան ֆյուչերսները նվազել են 0.63 տոկոսով եւ կազմել 40.75 դոլար մեկ բարելի դիմաց...
Պլանային գազանջատում Գեղարքունիքի մարզում ու Երևանի մի շարք թաղամասերում
Պլանային աշխատանքներ իրականացնելու նպատակով օգոստոսի 4-ին ժամը...
Լեհաստանը տուգանել է «Գազպրոմ»-ին 50 միլիոն եվրոյի չափով
Նման մեծ տուգանքի կիրառման պատճառը «Գազպրոմ»-ի հրաժարվելն էր UOKiK- ին տրամադրել կարգավորիչի կողմից պահանջվող տվյալները...
Նավթի համաշխարհային գներն անկում են ապրում
WTI տեսակի նավթի սեպտեմբերյան ֆյուչերսները նվազել են 0.62 տոկոսով եւ կազմել 40.02 դոլար մեկ բարելի դիմաց․․․