Հայաստանում ծառայությունների ոլորտը 2020 թվականի առաջին 5 ամիսներին գրանցել է 4,2 տոկոսով անկում, իսկ նույն տարվա առաջին կիսամյակում՝ 6,4 տոկոսով: Այս մասին հուլիսի 28-ին լրագրողների հետ հանդիպման ժամանակ ասաց Հայաստանի Հանրապետական կուսակցության նախկին պատգամավոր, տնտեսագետ Գագիկ Մինասյանը:
Նրա խոսքով՝ սա չափազանց վտանգավոր միտում է, քանի որ հանրությունն օգտվում է դրա զգալի մասից: «Խոսքը, մասնավորապես, կոմունալ ծառայությունների մասին է՝ ջրի, գազի եւ այլն, ու մարդիկ ուղղակի չեն կարողանա դրանք հաշվի չառնել»,- պարզաբանեց Մինասյանը՝ հավելելով, որ քաղաքացիները հետագայում ավելի ու ավելի քիչ են օգտվելու ծառայությունների ոլորտից: