Միացյալ Նահանգները չի կորցնի համաշխարհային էներգետիկ շուկայում գերակայող ուժի դիրքերը: Հուլիսի 29-ին այսպիսի հայտարարությամբ է հանդես եկել ԱՄՆ նախագահ Դոնալդ Թրամփը:
«Գրեթե 70 տարում առաջին անգամ մենք վերածվել ենք էներգապաշարների նետո-արտահանողի: Եվ Միացյալ Նահանգները հիմա համարվում է աշխարհում թիվ մեկ նավթ եւ գազ արտադրողը: Նաեւ հեռավոր ապագայում այս գերակայող դիրքի պահպանումը երաշխավորելու համար,- մենք երբեք այդ դիրքը չենք կորցնի,- իմ վարչակազմն այօր հայտարարում է, որ ամերիկյան հեղուկ բնական գազի արտահանման թույլտվությունը երակարաձգվում է մինչեւ ներառյալ 2050 թվականը»,- ասել է ամերիկացի առաջնորդը Միդլենդում (Տեխաս նահանգ) ելույթ ունենալիս:
Դրանից բացի, Թրամփը խոստացել է, որ ԱՄՆ-ն համաշխարհային առաջնորդ կլինի նաեւ շրջակա միջավայրի պաշտպանության առումով: «Մենք միաժամանակ վճռականորեն պաշտպանում ենք մեր շրջակա միջավայրը: Օդի աղտոտումը զգալիորեն նվազել է այն ժամանակից ի վեր, ինչ ես իշխանության եմ եկել: Մինչ մյուս երկրներն աղտոտում են օդն ու աշխարհի օվկիանոսները, մենք երբեք չենք դադարի առաջնորդ լինել մեր շրջակա միջավայրի պաշտպանության գործում»,- ասել է ամերիկյան վարչակազմի ղեկավարը:
Ընդ որում՝ նա քննադատել է Ռուսաստանի, Չինաստանի եւ Հնդկաստանի բնապահպանական գործունեությունը: «Չինաստանը չի մտածում իր օդի մասին: Արդարացի լինելով պետք է ասել, որ Հնդկաստանը չի մտածում իր օդի մասին: Ռուսաստանը չի մտածում իր օդի մասին»,- պնդել է Թրամփը:
Երկրի նախագահի որոշումները մեկնաբանելով՝ ԱՄՆ էներգետիկայի նախարարությունը պարզաբանել է, որ խոսքը ամերիկյան հեղուկ բնական գազի վաճառքի մասին է այն երկրներին, որոնց հետ կնքված են ազատ առեւտրի երկկողմ համաձայնագրեր: ԱՄՆ իշխանությունները հիշատակված թույլտվությունը մինչ այս երկարաձգում էին միայն 20 տարով: