Reuters- ը հայտնում է, որ Բեյրութի նավահանգստում տեղի ունեցած պայթյունի հետեւանքով առնվազն 10 զոհ կա: Տեղական լրատվամիջոցները հայտնում են բազմաթիվ վիրավորների մասին, բայց առայժմ պաշտոնական տվյալներ չկան:
Պայթյունի պատճառները դեռ չեն հաստատվել: Al Hadath հեռուստաալիքը չի բացառում, որ նավահանգստին հրթիռային հարված է հասցվել: Նրա տվյալներով՝ Իսրայելի ռազմաօդային ուժերին վերագրվող գրոհի թիրախը կարող է լինել «Հըզբոլլահ» շարժման պահեստը: Al Mayadeen հեռուստաալիքը հայտնել է, որ պայթյունը տեղի է ունեցել պիրոտեխնիկայի պահեստում:
Լիբանանի անվտանգության գլխավոր ծառայության ղեկավար, գեներալ Աբբաս Իբրահիմը Բեյրութի նավահանգստում տեղի ունեցած պայթյունի վայրում հերքել է պիրոտեխնիկայի պայթյունի վարկածը՝ ասելով, որ դրանք այլ պայթուցիկ նյութեր են եղել, որոնք պահվում էին երկար ժամանակ: «Տեղի ունեցածը ոչ թե պիրոտեխնիկայի պայթյուն էր, այլ այլ նյութերի, որոնք ունակ էին պայթել եւ երկար ժամանակ պահվում էին»,- նշել է անվտանգության ծառայության ղեկավարը, հայտնում է ՌԻԱ Նովոստին:
