News
Լրահոս
News
Կիրակի
Սեպտեմբեր 20
USD
485.26
EUR
574.98
RUB
6.46
ME-USD
0.01
Տեսնել լրահոսը


Բեյրութի նավահանգստում երեկ՝ օգոստոսի 4–ին տեղի ունեցած ուժգն պայթյունի հետևանքով լիբանանահայությունը կանգնած է լուրջ դժվարությունների առջև։ Այս մասին NEWS.am–ի հետ զրույցում ասաց Քուվեյթի Թեմի Կաթողիկոսական Փոխանորդ, Մեծի Տանն Կիլիկիո Կաթողիկոսության միաբաններից Պետրոս վրդ. Մանուէլյանը։

«Լիբանանահայերը վերջին 7-8 ամիսներին ստիպված են դիմագրավել լուրջ քաղաքական, տնտեսական և ընկերային դժվարություններ, որոնց վերջին ամիսներին գումարվեց նաև կորոնավիրուսի արդյունքում առաջացած համաճարակային խնդիրը։ Եվ այս ծանր իրավիճակում, թվում էր թե միայն այս փորձություն էր «պակասում» լիբանանահայությանը, որն այսօր լուրջ դժվարին պայմաններում է հայտնվել»

Հայր Պետրոսը տեղեկացրեց, որ պայթյունից անմասն չի մնացել Մեծի Տանն Կիլիկիո Կաթողիկոսարանը, որը գտնվում է Անթիլիասում՝ ծովափնյա շրջանում։

Պայթյունի հետևանքնով նյութական մեծ վնասներ է կրել Անթիլիասի Մայրավանքը. մասնավորապես վնասվել են Մայր Տաճարի, Վեհարանի, հայագիտական ու մանկավարժական կենտրոնների, ինչպես նաև «Կիլիկիա» թանգարանի դռները, ջահերը, պատուհանները։

«Այս պահին հնարավոր չէ ասել կաթողիկոսարանին հասված վնասների չափը, քանի որ դեռևս վնասի վերջնական գույքագրում չի արվել»,–ասաց Հայր Պետրոսը։։

Նշենք, որ Մեծի Տանն Կիլիկիո Արամ Ա կաթողիկոսը Լիբանանի մայրաքաղաք Բեյրութի նավահանգստում տեղի ունեցած խոշոր պայթյունից հետո այցելել էր քաղաքի հայաբնակ թաղամասեր և տեղում ծանոթացել իրավիճակին։ Մինչ այդ Վեհափառ Հայրապետը նյութական օժանդակություն էր տրամադրել Բեյրութի քաղաքապետարանին՝  բնակչության անմիջական կարիքները հոգալու նպատակով։

Հիշեցնենք, որ Բեյրութի նավահանգստում տեղի ունեցած հզոր պայթյունի հետեւանքով 100–ից ավելի մարդ է զոհվել, իսկ 4000–ից ավելի մարդ վիրավոր է:

Նախնական տվյալներով պայթյունի հետևանքով վեց հայ է մահացել, որոնց թվում են Լիբանանի «Քաթաեբ» կուսակցության գլխավոր քարտուղար Նիզար Նաջարյանը,  բուժքույր Ջեսիկա Բեզջյանը։։

Այսօրվանից Լիբանանում եռօրյա սուգ է հայտարարվել, իսկ Բեյրութը ճանաչվել է աղետի գոտի։

Բեյրութում պայթյունի հետևանքով ի՞նչ վնասներ են կրել Լիբանանի հայկական կենտրոնները (ֆոտո)

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ամենայն Հայոց Կաթողիկոսի կողմից կսահմանվի իրավաբանների օրհնության օր
ՀՀ գլխավոր դատախազը, Բարձրագույն դատական խորհրդի նախագահը և ՀՀ փաստաբանների պալատի նախագահը, կարևորելով Հայոց Եկեղեցու...
«Հայոց Եկեղեցու պատմություն» առարկան ոգի եւ դաստիարակություն է ջամբել մատաղ սերնդին. Գարեգին Բ
Հանդիպում ՔԴԿ տարածաշրջանային պատասխանատուների հետ…
Ամենայն Հայոց Կաթողիկոսն ընդունել է Էդուարդո Էօրնեկյանին
Շրջելով 2009 թվականին ի հիշատակ բարերարի ծնողների` տեր եւ տիկին Փանոս եւ Սրբուհի Էօրնեկյան ամոլի, հիմնադրված դպրոցում՝ Նորին Սրբությունը եւ մեծանուն...
Այսօր հայ առաքելական եկեղեցին տոնում է Խաչվերացը. պատարագ Էջմիածնում
Ժողովրդական ավանդույթի մեջ Խաչվերացը կամ «Սըրբխեչը» աշնան սկիզբը խորհրդանշող ուրախ տոն է…
Մեզ համար մասնավոր մտահոգություն է «Հայոց Եկեղեցու պատմություն» առարկայի զեղչումը. Գարեգին Բ
Մայր Աթոռ Սուրբ Էջմիածնում կրթության մշակների օրհնության կարգ է կատարվել…
Ամենայն Հայոց Կաթողիկոսն ընդունել է «Ազգային արժեքների պաշտպանություն» նախաձեռնության ներկայացուցիչներին
Նախաձեռնության անդամները Վեհափառ Հայրապետին ներկայացրեցին նախաձեռնության առաքելությունն ու ծրագիրը, անդրադարձան նախաձեռնության...