Լիբանանյան ծագման մեքսիկացի միլիարդատեր Կառլոս Սլիմը` աշխարհի ամենահարուստ մարդկանցից մեկը, կմասնակցի պայթյունից ոչնչացված Բեյրութի նավահանգստի վերականգնմանը: Այս մասին օգոստոսի 7-ին Noticias MVS-ին պատմել է լատինաամերիկյան երկրում Լիբանանի կենտրոնի ղեկավար Ամին Սայդեն Քարամը, փոխանցում է ՏԱՍՍ-ը:
Նրա խոսքով` Մեքսիկայում դեռ ողբերգությունից առաջ էր դրամահավաք սկսվել` տնտեսական ճգնաժամ ապրող մերձարեւելյան հանրապետությանն օգնելու համար, եւ այդ աշխատանքը ներկայումս շարունակվում է:
«Մենք արշավներ ենք իրականացնում Լիբանանի Կարմիր խաչի գրասենյակ ռեսուրսներ ուղարկելու համար, եւ կան ձեռնարկատերեր, որոնք հնարավորություններ են փնտրում` Բեյրութի նավահանգիստը վերակառուցելու համար,- ասել է Քարամը:- Կառլոս Սլիմը կօգնի վերակառուցմանը»:
