ՆԱՏՕ-ն պառակտված է իր անդամների միջեւ տարաձայնություններից: Այս մասին CNBC-ին տված հարցազրույցում ասել է Rasmussen Global-ի գլխավոր ռազմավար Ֆաբրիս Պոտյեն:
Առավել հաճախ վեճերը ծագում են ՆԱՏՕ-ի անդամ Հունաստանի եւ Թուրքիայի միջեւ՝ երկու երկրներն էլ ռազմածովային զորավարժություններ են անցկացնում Կրետե կղզու մոտ՝ Միջերկրական ծովի արեւելքում նավթի եւ բնական գազի հետախուզման իրավունքի պահանջների պայմաններում:
Այս տարաձայնությունները պառակտում են առաջացրել ՆԱՏՕ-ում եւ Եվրոպայում՝ ինչպես հաղորդվում է, ԱՄՆ-ը ռազմածովային զորավարժություններ է անցկացնում Թուրքիայի հետ, իսկ Ֆրանսիան՝ Հունաստանի հետ:
«ՆԱՏՕ-ի վրա իրական ճնշումը ներսից է: Փաստորեն, նա ներսից սեղմված է, քանի որ խոշոր անդամներից ոմանք՝ ԱՄՆ-ը, Թուրքիան, Ֆրանսիան, տարաձայնություններ ունեն»,- ասել է Պոտյեն: «Կարծում եմ, որ ներսում իրական քաղաքական ճգնաժամ է եռում»,- հավելել է նա:
«Ինչ վերաբերում է Ֆրանսիային եւ Թուրքիային, ապա մենք արեւելյան Միջերկրածովում ականատես ենք լինում որոշակի էսկալացիայի, ուստի ես կարծում եմ, որ ՆԱՏՕ-ի գլխավոր քարտուղար Յենս Սթոլթենբերգի եւ Գերմանիայի կանցլեր Անգելա Մերկելի միջեւ քաղաքական զրույցը ավելի շատ կլինի այն մասին, թե ինչպես լուծել անդամ-երկրների միջեւ քաղաքական խնդիրները»: