ԵՄ բանագնաց Միրոսլավ Լայչակը հնարավոր է համարում մի քանի ամսվա ընթացքում Սերբիայի եւ Կոսովոյի միջեւ համաձայնագրի ստորագրումը:
Նա նշել է, որ դեռ հնարավոր չէ կանխատեսել ամսաթիվը, քանի որ դա բարդհարց է: «Տեսնենք՝ որքան ժամանակ կպահանջվի, սակայն կարելի է խոսել ամիսների, այլ ոչ թե տարիների մասին»,-հավելել է նա:
Լայչակի հետ հանդիպումից հետո Սերբիայի նախագահ Ալեքսանդր Վուչիչն ասել է, որ ԵՄ բանագնացին ներկայացրել է կնքված գործարքի կատարումը: «Ես շատ եմ հարգում այն, որ Լայչակը խոսում է կարգավորման մասին, որը իրավաբանորեն եւ քաղաքականորեն տարբերվում են նրանից, ինչի մասին խոսում են Պրիշտինան եւ այլք»,-ասել է Վուչիչը, ում խոսքը մեջբերում է սերբական Tanjug տեղեկատվական գործակալությունը: