ՀՀ ԱԳՆ-ը սփյուռքի հարցերի հանձնակատար Զարեհ Սինանյանի սկանդալային հայտարարությունը դիտարկում է որպես մասնավոր կարծիք: Այս մասին այսօր՝ սեպտեմբերի 2-ին, մամուլի ասուլիսի ժամանակ հայտարարեց ՀՀ ԱԳՆ մամուլի խոսնակ Աննա Նաղդալյանը:
Հիշեցնենք, որ օրերս Սինանյանը հայտարարել էր, թե ճապոնացիները չինացիների եւ կորեացիների սինթեզ են: Պաշտոնական Տոկիոն հայտարարությունն անտեսել էր:
Հարցին, թե արդյոք հայտարարությունից հետո Սինանյանը հրավիրվել է ԱԳՆ, Նաղդալյանը հիշեցրեց, որ Սինանյանն ու ԱԳՆ-ը կառավարության անդամներ են, եւ նման գործողությունը կոռեկտ չէր լինի: Հարցին, թե արդյոք նախարարն ու հանձնակատարը խոսել են այդ թեմայի շուրջ, Նաղդալյանը պատասխանեց, որ նրանց միջեւ գրեթե ամենօրյա շփում կա, սակայն իրեն հայտնի չէ, թե արդյոք քննարկվել է այդ թեման:
