Զամբիայի նախագահ Էդգար Լունգուն երկրի բնակիչների հետ սգում է ձկան մահը, որն ապրում էր երկրի մեծությամբ երկրորդ համալսարանի լճակում:
Կոպերբելտի համալսարանի (CBU) ուսանողները մոմեր են վառել եւ անցել են համալսարանի տարածքով` ձկան հիշատակը հարգելու համար: Mafishi (այդպես էին փաղաքշաբար անվանում ձկանը) հեշթեգը սիրված է հարավաֆրիկյան երկրի Twitter-ում։
Վերջին երկու տասնամյակների ընթացքում CBU-ի ուսանողները հավատում էին, որ ձուկն իրենց հաջողություն է բերում քննությունների ժամանակ:
Համարվում էր, որ Մաֆիշին, որը տեղական լեզվով նշանակում է «մեծ ձուկ», առնվազն 22 տարեկան է եւ ավելի քան 20 տարի ապրել է համալսարանի լճակում: Ձկանը մտադիր են զմռսել։
Որոշ ուսանողներ քննություններից առաջ հարգանքի տուրք էին մատուցում ձկանը՝ կարծելով, որ նա իրենց հաջողություն է բերում, իսկ ոմանք էլ նրան սթրեսի դեմ միջոց էին համարում, հաղորդում է BBC Zambia-ն:
Նախագահ Լունգուն Facebook-ում իր սգո ուղերձում մեջբերել է Մահաթմա Գանդիին. «Ուրախ եմ, որ դուք պատշաճ հրաժեշտ եք կազմակերպել: Մենք բոլորս կկարոտենք»։