ԱՄՆ նախագահ Դոնալդ Թրամփը Գերագույն դատարանի ավագ դատավոր Ռութ Բեյդեր Գինզբուրգի մահից հետո հայտարարել է, որ անհապաղ նոր դատավոր կնշանակի:
«Մեզ իշխանություն են տվել եւ փոխանցել են հպարտությամբ մեզ ընտրած ժողովրդի համար որոշումներ ընդունելու իրավունքը, որոնցից ամենակարեւորը արդեն վաղուց համարվում է Միացյալ Նահանգների Գերագույն դատարանի դատավորների ընտրությունը: Մենք ստանձնում ենք այդ պարտավորությունը առանց հապաղելու»,- Twitter-ի իր միկրոբլոգում գրել է Դոնալդ Թրամփը:
Ավելի վաղ հայտնի էր դարձել Գերագույն դատարանի ավագ դատավոր Ռութ Բեյդեր Գինզբուրգի մահվան մասին:
Ամերիկյան որոշ լրատվամիջոցներ հայտնել են, որ իր մահից առաջ Գինզբուրգը ցանկություն է հայտնել, որ հաջորդ դատավորը նշանակվի ընտրություններում հաղթած նախագահի կողմից:
Նման միտք է հայտնել նաեւ Դեմոկրատական կուսակցությունից ԱՄՆ նախագահի թեկնածու Ջո Բայդենը:
