Հայկական միասնական կենտրոնը տեսանյութ է տարածել Արցախի ապաստարաններից, որտեղ մարդիկ արդեն մի քանի օր են անցկացրել:
«Մենք մեր երկրից ոչ մի տեղ չենք գնալու: Ուրախացել ենք, որ լավ լուրեր ենք լսում, որ մեր տղաները հաղթում են: Հաղթանակը մերն ա լինելու»,-ասաց տարեց կանանցից մեկը:
Մի տղամարդ էլ ասաց. «Լավ օրեր էլ ենք տեսել, վատ օրեր էլ ենք տեսել: Մեր շարժման ընթացքում այս նույն իրավիչճակը 1988-ին է եղել, նկուղներում ենք եղել, դառը օրեր են եղել: Լույս չկար, ջերմություն չկար: Շուշշիից խփում էին: 40 հատ խփում էին, 5 րոպե դադար էին տալիս, մինչեւ լցնում էին : Այդ 5 րոպեում կանայք բարձրանում էին տները, ուտելու բաները վերցնում իջնում:
Հիմա ավելի վատ է, էն ժամանակ հաշվում էիր սնարյադները, հենց պրծնում էր, գիտեին, որ դադար ա, իսկ հիմա չես կարող էդպես հաշվել:Հիմիկվա պատերազմն իսկական լայնամաստաբ պատերազմ է: Մենք հիմա կռվում ենք ոչ թե մի ազգի դեմ, այլ մի քանի ազգերի, որ միացել են էդ շներին: Պատերազմ է, պետք է դիմանանք, պարտավոր ենք դիմանալ: Բոլոր ջահելներին ուղարկել ենք կռիվ, մի քանի հասակավորներով ենք մնացել: Եթե ոտքերս լավ լիներ, ես էլ կգնայի: Մենք ստիպված ենք հաղթել, որովհետեւ փախչելու տեղ չունենք, ո՞ւր փախնենք»:
Մանրամասները՝ տեսանյութում