ԱՄՆ տրանսպորտի նախարարությունը 400 000 դոլարի չափով տուգանել է «Emirates» ավիաընկերությանը 2019 թվականին Իրանի արգելված օդային տարածքում չվերթներ իրականացնելու համար, հաղորդում է Reuters-ը:
Չվերթն իրականացվում էր JetBlue Airways կոդով, եւ, հետեւաբար, կարգավորվում ԱՄՆ կանոններով:
Նախարարությունը հայտարարել է, որ 2019 թվականի հուլիսին 19 օրվա ընթացքում «Emirates»-ն իրականացրել է թռիչքներ Իրանի օդային տարածքում՝ չնայած ԱՄՆ-ն արգելել է թռիչքները ռազմական գործողությունների ակտիվացման եւ քաղաքական լարվածության ուժգնացման պատճառով:
Ավիաընկերությունում հայտարարել են, որ խնդիրը ծագել է «չկանխամտածված անուշադրության» հետեւանքով, սակայն համաձայնել են այդ կարգավորմանն՝ այդ հարցի լուծման շահերից ելնելով: