Սիրիայում բնակվող հայերը Լեռնային Ղարաբաղի շուրջ բռնկված պատերազմում սատարում են իրենց պատմական հայրենիքը եւ պատրաստ են իրենց ուժերով օգնելու հայ ժողովրդին, որը պաշտպանում է Արցախը: Դաշնային լրատվական գործակալության թղթակիցն այցելել է Լաթաքիայի Կիդոն թաղամաս եւ տեղի բնակիչների հետ խոսել հակամարտության եւ դրանում Թուրքիայի դերի մասին:
Յուրաքանչյուր հայ` նույնիսկ նրանք, ով երկար ժամանակ է հաստատվել է Սիրիայում եւ խոսում է միայն արաբերեն, միշտ հայ է մնում, բացատրեցին սփյուռքի ներկայացուցիչները: Իրենց արժեքների ցուցակում Հեռավոր Հայաստանն առաջին տեղում է:
«Մենք` Սիրիայում ապրող հայերս, գիտենք, թե ինչպես է տառապել սիրիացի ժողովուրդը եւ սրտանց կարեկցում ենք նրան: Այդ պատճառով շատ հայ տղաներ զոհվեցին ահաբեկիչների հետ մարտերում` կանգնելով սիրիական զինվորների հետ նույն շարքերում»,- պատմել է սիրիահայ Մուսա Կարապետյանը:
Նա նշել է, որ իրեն համարում է ինչպես Հայաստանի, այնպես էլ Սիրիայի որդի, եւ աջակցում է Սիրիայի նախագահ Բաշար ալ-Ասադին, ով երկիրը պաշտպանում է Թուրքիայի նման թշնամիներից: Հայերը, շեշտել է Կարապետյանը, «շատ լավ հիշում են, թե թուրքերն ինչ արեցին իրենց հետ»:
«Եվ հիմա նրանք Իդլիբից իրենց վարձկաններին ուղարկում են Հայաստանի հետ կռվելու, ինչպես դա եղավ Լիբիայում: Սիրիան, ինչպես եւ մենք բոլորս, այժմ ծանր իրավիճակում է գտնվում: Բայց տեղի հայերը պատրաստ են եւ կարող են ամբողջ ուժով օգնել Ղարաբաղում գտնվող իրենց եղբայրներին` փողով, զինվորով, նրանց բարոյական աջակցություն ցուցաբերել... Ինչ վերաբերում է անձամբ ինձ, ես պատրաստ եմ ուղարկել իմ երեք որդիներին` պաշտպանելու Արցախն անկոչ եկվորներից Ադրբեջանից եւ Թուրքիայից»,- ասել է ԴԼԳ-ի զրուցակիցը ...
Սիրիահայերը չեն կասկածում, որ Թուրքիան ակտիվորեն մասնակցում է հայ ժողովրդի դեմ պատերազմին, հայտարարել է Լաթաքիայի բնակիչ Սալմա Թամերը:
«Վստահ եմ, որ Լեռնային Ղարաբաղում եւ Հայաստանում ապրող բոլոր ազնիվ հայերը մինչեւ վերջին զինվորը կպայքարեն իրենց հողի համար: Ադրբեջանական զորքերը Թուրքիայի աջակցությամբ հատել են Լեռնային Ղարաբաղի սահմանը միակ նպատակով` գրավել այն տարածքները, որտեղ պատմականորեն հայեր են ապրում: Այս ամենը եւս մեկ անգամ մեր հիշողության մեջ արթնացնում է ցեղասպանությունը, որը թուրքերը կազմակերպեցին մեզ համար մեկ դարից ավել առաջ»,- հայտարարել է կինը գործակալության հետ զրույցում:
Նա Ռուսաստանին եւ Եվրամիությանը կոչ է արել «անել հնարավորը, որպեսզի Լեռնային Ղարաբաղը հավերժ հայկական հող մնա»: Սիրիայի հայերը պարտավոր են եւ կանեն հնարավորը` Արցախին օգնելու համար, ամփոփել է Լաթաքիայի բնակիչը:
Դաժան բախումները Լեռնային Ղարաբաղում սկսվել են սեպտեմբերի 27-ին: Հայտարարելով Հայաստանից ռմբակոծության մասին` Ադրբեջանի զինված ուժերը հարձակման են անցել շփման գծի ողջ երկայնքով` օգտագործելով զրահատեխնիկա, ծանր հրետանի եւ ռմբակոծիչ ինքնաթիռներ, այդ թվում` Թուրքիայի կողմից մատակարարվող մարտական անօդաչու սարքեր: Հակամարտության վեցերորդ օրն Արցախի պաշտպանության ուժերին հաջողվել է կանգնեցնել ադրբեջանական զորքերի առաջխաղացումը, ինտենսիվ գնդակոծությունները շարունակվում են: