Հայաստանի կենտրոնական բանկի խորհուրդը մայիսի 24-ի նիստում հաստատեց ՀՀ ԿԲ 2010-2011 թվականների հուշադրամների թողարկման ծրագրով նախատեսված «Ֆուտբոլի արքաները» հուշադրամների շարքի «Պլատինի» հուշադրամի դիմերեսի և դարձերեսի ուրվագծերը:
Նշենք, որ Միշել Պլատինին Ֆրանսիայի հավաքականի կազմում 1984 թ. դարձել է Եվրոպայի չեմպիոն, իսկ «Ֆրանս ֆուտբոլի» կողմից ճանաչվել է 20-րդ դարի լավագույն ֆրանսիացի ֆուտբոլիստը: Ներկայում Միշել Պլատինին ՈՒԵՖԱ-ի նախագահն է:
Այս հուշադրամը «Ֆուտբոլի արքաները» շարքից 8-րդն է: Իրենց անունով հուշադրամներ ունեն Էյսեբիոն, Լեւ Յաշինը, Պելեն, Զբիգնեւ Բոնեկը, Ֆրանց Բեկենբաուերը, Մարիո Կեմպեսը, Յոհան Կրոյֆը:
