Ամբողջ Իսրայելում հազարավոր ցուցարարներ անցկացրել են բողոքի ցույցեր ընդդեմ երկրի վարչապետ Բինյամին Նեթանյահուի, գրում է Haaretz-ը:
Կառավարության դեմ ցույցերն անցկացվել են ցուցարարների բնակավայրերից մեկ կիլոմետր շառավղող՝ համաձայն իշխանությունների կողմից սահմանված հակակորոնավիրուսային միջոցառումների:
Ինչպես նշում է պարբերականը, տեղի են ունեցել բախումներ ցուցարարների եւ ոստիկանության միջեւ։ Դրանց հետեւանքով կան տուժածներ ցուցարարների շրջանում, որոշ ցուցարարներ ձերբակալվել են:
«Սեւ դրոշ» շարժման հաշվարկներով՝ երկրի ամբողջ տարածքում բողոքի ցույցերին մասնակցել է շուրջ 130 000 մարդ: