ՆԱՏՕ-ի գլխավոր քարտուղար Յենս Ստոլտենբերգը հայտարարել է Թուրքիայի եւ Հունաստանի միջեւ շուրջօրյա թեժ գծի ստեղծման մասին: Այս մասին նա ասել է Անկարայում Թուրքիայի ԱԳ նախարար Մեւլյութ Չավուշօղլուի հետ հանդիպման արդյունքներով, հաղորդում է ՏԱՍՍ-ը:
«Մենք մեխանիզմ ենք ստեղծել տարածաշրջանում միջադեպերի ծագման ռիսկը նվազեցնելու նպատակով: Այն ներառում է թեժ գծի ստեղծում, որն աշխատում է շրջօրյա»,-ասել է նա:
Արեւելյան Միջերկրական ծովում իրավիճակը կրկին սրվել է այս ամառ Միջերկրական ծովի արեւելյան հատվածում ածխաջրածնային հանքեր հայտնաբերելու նպատակով երկրաբանական-հետախուզական աշխատանքներ տանելու Թուրքիայի որոշումից հետո: