Բեյրութի նավահանգստում տեղի ունեցած պայթյունը, որն ավելի քան 190 մարդու մահվան պատճառ է դարձել, պատմության մեջ ամենախոշոր ոչ միջուկային պայթյուններից էր՝ Երկրորդ համաշխարհային պատերազմի ժամանակ Հիրոսիման հողին հավասարեցրած ատոմային ռումբի մոտավորապես 1/20 չափը:
Բրիտանական Շեֆիլդի համալսարանի մասնագետները պարզել են, որ նավահանգստում տեղի ունեցած պայթյունը, որը հսկայական ցնցում է առաջացրել ամբողջ Լիբանանի մայրաքաղաքում, համարժեք է 500-1100 տոննա տրոտիլի, հայտնում է BBC-ն:
«Բեյրութում տեղի ունեցած պայթյունը 21-րդ դարի ամենաուժեղ ոչ միջուկային պայթյունն է»,- ասել է Սեմ Ռիգբին՝ Շեֆիլդի հետազոտական խմբիից, որը հույս ունի, որ իր հետազոտությունը կօգնի արտակարգ իրավիճակների ծրագրավորողներին պատրաստվել ապագա աղետներին: «Բեյրութում ապակիները վնասվել են պայթյունի կենտրոնից 10 կիլոմետր հեռավորությամբ»:
Բեյրութում օգոստոսի 4-ին տեղի ունեցածը, որի հետեւանքով տուժել էր ավելի քան 6000 մարդ, արդյունք էր շուրջ 2750 տոննա ամոնիումի նիտրատի պայթյունի, որը երկար տարիներ պահվում էր նավահանգստում եւ բռնագրավվել էր ռուսական բեռնատար նավից: