Fitch Ratings-ը նվազեցրել է Երեւան քաղաքի (Հայաստան) էմիտենտի դեֆոլտի երկարաժամկետ վարկանիշն արտարժույթով`«BB-»-ից մինչեւ «B+»: Վարկանիշի կանխատեսումը «Կայուն» է: Ստորեւ ներկայացված է գնահատման գործողությունների ամբողջական ցուցակը:
Նվազեցումը հետեւում է Հայաստանի սուվերեն վարկանիշների վերաբերյալ նմանատիպ քայլին (տե՛ս Fitch Downgrades Armenia to «B+»; Outlook Stable/«Fitch-ը նվազեցրել է Հայաստանի վարկանիշները մինչեւ «B+», կանխատեսումը` «Կայուն» 2020 թվականի հոկտեմբերի 5-ից www.fitchratings.com կայքում), ինչը պայմանավորված է կորոնավիրուսի համավարակի եւ վերջերս ղարաբաղյան հակամարտության գոտում շփման գծի երկայնքով լայնամասշտաբ ռազմական գործողությունների սրման հետեւանքով երկրում տնտեսական իրավիճակի սպասվածից ավելի լուրջ վատթարացմամբ: Մեր կարծիքով, քաղաքի վարկանիշները զսպվում են սուվերեն վարկանիշներով:
«Վարկային վարկանիշային գործակալությունների մասին» ԵՄ կանոնակարգի համաձայն` տեղական եւ տարածաշրջանային իշխանությունների վարկանիշների վերանայման հրապարակման վրա սահմանափակումներ են տարածվում, եւ այն պետք է տեղի ունենա ըստ հրապարակված ժամանակացույցի, բացի այն դեպքերից, երբ վարկային վարկանիշային գործակալությանը հարկավոր է շեղվել այս ընթացակարգից` իր իրավական պարտավորությունները կատարելու համար:
Fitch-ն այս դրույթը մեկնաբանում է որպես մեզ թույլ տվող հրապարակել վարկանիշի վերանայումը մի իրավիճակում, երբ էմինենտի վարկունակության էական փոփոխություն է տեղի ունեցել, ինչը, մեր կարծիքով, անտեղի է դարձնում սպասել հաջորդ պլանային վերանայման օրվան` վարկանիշի կանխատեսումը կամ Rating Watch-ը փոփոխելու համար: Fitch-ի` Երեւանի մասով նախատեսվող հաջորդ վերանայման ամսաթիվը 2020 թվականի նոյեմբերի 20-ն է, սակայն Fitch-ը կարծում է, որ երկրում տեղի ունեցող վերջին իրադարձությունները հիմք են հանդիսանում ժամանակացույցից նման շեղման համար, եւ դրա` մեր հիմնավորումը ներկայացված է ստորեւ:
Չնայած Երեւանի մասով վերջին առկա տվյալները կարող են չվկայել ցուցանիշների վատթարացման մասին, ռեգիոնալ ֆինանսավորման ոլորտում եկամտի եւ ծախսերի բնութագրերի էական փոփոխություններ են տեղի ունենում, եւ իրավիճակն առաջիկա ամիսներին հավանաբար կվատթարանա` տնտեսական ակտիվության թուլացման եւ կորոնավիրուսի կապակցությամբ կառավարության կողմից հայտարարված սահմանափակումների շարունակության եւ ընդլայնման ֆոնին: Fitch-ի վարկանիշներն, ըստ էության, միտված են ապագային, եւ գործակալությունը կհետեւի ոլորտի զարգացումներին` ըստ դրանց լրջության եւ տեւողության, եւ կներառի համապատասխան որակական եւ քանակական ճշգրտումները ելակետային եւ վարկանիշային սցենարներում` հիմնվելով սպասվող ցուցանիշների եւ հիմնական ռիսկերի գնահատման վրա:
