ՌԴ արտաքին գործերի փոխնախարար Ալեքսանդր Գրուշկոն եւ Բելգիայի ԱԳՆ երկկողմանի հարցերով գլխավոր տնօրեն Անիկ վան Կալսթերը Բրյուսելում ուրբաթ կայացած խորհրդակցությունների ժամանակ ընդգծել են Լեռնային Ղարաբաղում զինված հակամարտությունն անհապաղ դադարեցնելու անհրաժեշտությունը, հաղորդում է ՏԱՍՍ-ը:
«Լեռնային Ղարաբաղի շուրջ ստեղծված իրավիճակը քննարկելիս ընդգծվել է զինված հակամարտությունն անհապաղ դադարեցնելու անհրաժեշտությունը՝ համաձայն Մոսկվայում սույն թվականի հոկտեմբերի 10-ին Ռուսաստանի, Ադրբեջանի եւ Հայաստանի ԱԳ նախարարների հայտարարության»,-ասված է ուրբաթ ՌԴ ԱԳՆ-ի տարածած հաղորդագրության մեջ:
