News
Լրահոս
News
Երեքշաբթի
Հունվար 26
USD
518.26
EUR
628.49
RUB
6.86
ME-USD
0.01
Տեսնել լրահոսը

Թուրքիայի փոքր հայկական համայնքը ճնշման տակ է Ղարաբաղյան հակամարտությունում Անկարայի կողմից Ադրբեջանին ցուցաբերվող աջակցության կապակցությամբ: Ստամբուլի հայկական թաղամասերում բախումների սկսվելուց հետո Ադրբեջանի դրոշներով ավտոերթ տեղի ունեցավ, իսկ որոշ պաշտոնական հայկական կայքեր արգելափակվեցին:

Ստամբուլում տեղակայված հայ համայնքի մոտ 60.000 անդամ դժգոհություն է հայտնել ատելության խոսքի կապակցությամբ` սեպտեմբերի 27-ին ռազմական գործողությունների սկսվելուց հետո, որոնց հետեւանքով հարյուրավոր մարդիկ են զոհվել, եւ թուլացման ոչ մի նշան չկա:

«Ես չեմ համարձակվում տանը հեռուստացույց միացնել, քանի որ այնտեղ ատելության խոսք է տարածվում, ես անհանգստացած եմ հայերին որպես թշնամի ներկայացնելու կապակցությամբ,- AFP-ին ասել է Ստամբուլում բնակվող հայազգի Սիլվա Օզյորլին:- Մենք գին ենք վճարում, քանի որ պետությունը, բյուրոկրատիան եւ լրատվամիջոցները մարգինալացման, թշնամանքի տարածման են ձգտում, եւ ես ինձ պատանդ եմ զգում: Դա շատ ցավալի է: Ես ինձ այս երկրի քաղաքացի եմ զգում, ինչու՞ եք ստիպում ինձ պատանդ զգալ»:

«Մենք դժվար ժամանակներ ենք ապրում»,- AFP-ին ասել է «Ակոս» թուրքահայ շաբաթաթերթի գլխավոր խմբագիր Էդվարդ Դանզիկյանը: Ըստ նրա` իրավիճակն ավելի մռայլ է, քան 1990-ականների հակամարտության ժամանակ: «Երեկոյան միացնում եք լրատվական հեռուստաալիքները, որոնք անընդհատ բաղավում են Հայաստանի մասին: Դա, բնականաբար, լարում է Թուրքիայում գտնվող հայերին,- ասել է նա:- Ինչի՞ առաջ ենք կանգնելու, երբ դուրս գանք փողոց: Այո, մենք ֆիզիկական հարձակում չենք սպասում, բայց դա նույնպես կարող է տեղի ունենալ»: «Այս աճող ազգայնական հռետորաբանությունը մտահոգիչ է»,- ասել է Դանզիկյանը` հավելելով, որ համայնքն «իրեն ճնշման տակ է զգում»:

«Անկեղծ ասած` մենք խորտակվում ենք: Աստիճանաբար, օրեցօր, ժամ առ ժամ մենք խորտակվում ենք: Մենք խորտակվում ենք ձեր ատելության մեջ»,- ասել է 2007 թվականին թուրք ազգայնականի կողմից սպանված Հրանտ Դինքի դուստրը:

Քրդամետ «Ժողովուրդների ժողովրդավարություն» կուսակցության հայազգի պատգամավոր Կարո Փայլանը կառավարությանը կոչ է արել «կրակի վրա յուղ չլցնել» Ղարաբաղում: «Այս պատերազմում հաղթողներ չեն լինի,- ասել է նա AFP-ին:- Ցավոք, պատերազմին դիմակայելը բավական է Թուրքիայում թիրախավորվելու համար»: Ըստ նրա` եթե իր հետ ինչ-որ բան պատահի, կառավարությունը պետք է պատասխանատվության ենթարկվի ատելության խոսքի համար: «Այսպիսի մթնոլորտում մենք կորցրեցինք Հրանտ Դինքին: Միայն խաղաղության մթնոլորտն ու ժողովրդավարական Թուրքիան կարող են ապահովել իմ անվտանգությունը,- ասել է նա:- Հակառակ դեպքում մեզանից ոչ ոք ապահով չէ»:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Le Monde. Ալիեւը կարողացավ օգտվել հայկական իշխանությունների թույլ տված ողբերգական սխալներից
«Գերագույն գլխավոր հրամանատարը», ըստ ամենայնի, պատրաստ չէ հրաժարվել նաեւ հայերի նկատմամբ ատելություն հրահրելու հռետորաբանությունից, իսկ դա հակասում է «ղարաբաղյան խնդիրը լուծված է» սեփական հայտարարություններին․․․
Դավիթ Բաբայանը նամակներ է հղել ՄԱԿ-ի Գլխավոր քարտուղարին և ՅՈՒՆԵՍԿՕ-ի գլխավոր տնօրենին
ԱԳ նախարարը հատուկ ընդգծում է, որ Ադրբեջանի նման քաղաքականությունն ավելի ինտենսիվ է դարձել 2020 թ. սեպտեմբերի 27-ին Արցախի Հանրապետության...
Շուշիում «Գորշ գայլերը» դպրոց են բացելու. Էրդողանն ու Ալիեւը հավանություն են տվել
ազգայնական ոգով կրթություն տվող դպրոցի հիմնարկեքը կդրվի 2021–ի հունվարի 30–ին...
Արցախին տրվող հումանիտար օգնության որոշակի հատված կիրականացվի ռուս-հայկական մարդասիրական արձագանքման կենտրոնի միջոցով
Եվգենի Զինիչեւը եւ Անդրանիկ Փիլոյանը զրույցի ընթացքում անդրադարձել են նաեւ մի շարք այլ համատեղ ծրագրերի...
Լավրով. Մենք չենք պատրաստվում առանց ուշադրության թողնել իրավիճակը Լեռնային Ղարաբաղում
«Դրա հաստատումը դարձավ հունվարի 11-ին Մոսկվայում կայացած եռակողմ գագաթնաժողովը` Ռուսաստանի Դաշնության, Հայաստանի եւ Ադրբեջանի ղեկավարների մասնակցությամբ...
Տարածաշրջանային այցի շրջանակներում Իրանի ԱԳ նախարարը այսօր կժամանի Հայաստան
Հունվարի 26-ին տարածաշրջանային այցի շրջանակներում Հայաստանի Հանրապետություն կժամանի Իրանի Իսլամական Հանրապետության արտաքին...
Ամենաշատ
Ֆոտոռեպորտաժներ