«Զմրուխտե քաղաքի կախարդը» տիկնիկային մուլտֆիլմի եւ Անգետիկի արկածների մասին մուլտֆիլմերի շարքի հեղինակներից մեկը՝ նկարիչ Վլադիմիր Շաֆրանյուկը մահացել է 86 տարեկանում։
Շաֆրանյուկը մահացել է Մոսկվայում իր տանը, հայտնում է «Рен ТВ»-ն։
Նրա մահվան պատճառն առայժմ հայտնի չէ։
Նկարիչն աշխատել է նաեւ «Դոբրինյա Նիկիտիչ», «Քեռի Աուն քաղաքում», «Ո՞ւմ կոներն են անտառում» մուլտֆիլմերի վրա։ 1964-1967 թվականներին նկարիչն աշխատել է «Սոյուզմուլտֆիլմում», 1971-1985 թվականներին՝ «Էկրան» ՍՄ «Մուլտտելեֆիլմ» ստուդիայում, դրանից զատ՝ համագործակցել է «Քրիսթմաս ֆիլմզ» եւ «Անիմոս» ստուդիաների հետ։