Կանադայի վարչապետ Ջասթին Թրյուդոն եւ Ֆրանսիայի նախագահ Էմանուել Մակրոնը հինգշաբթի հեռախոսային զրույցի ժամանակ քննարկել են Լեռնային Ղարաբաղում իրավիճակը եւ ահաբեկչության դեմ պայքարը, փոխանցում է ՏԱՍՍ-ը։

«Վարչապետ Թրյուդոն համերաշխություն է հայտնել Ֆրանսիայի ժողովրդին՝ կապված վերջին ահաբեկչական հարձակումների եւ բռնության հետ։ Առաջնորդները կարեւորել են արտահայտվելու ազատությունը եւ մարդու իրավունքների պաշտպանությունը, ինչպես նաեւ [հայտարարել են] ահաբեկչության եւ բռնարար ծայրահեղականության դեմ պայքարի հանձնառության մասին»,- նշված է հաղորդագրության մեջ։

Առաջնորդները քննարկել են նաեւ Լեռնային Ղարաբաղում իրավիճակը եւ շեշտել հակամարտության դիվանագիտական կարգավորման կարեւորությունը։ Դրանից բացի, Թրյուդոն եւ Մակրոնը անդրադարձել են կորոնավիրուսի համավարակի թեմային եւ քննարկել կանադա-ֆրանսիական հարաբերությունները։