Խաղաղապահների առաջին ստորաբաժանումները ժամանել են Ուլյանովսկ-Վոստոչնի օդակայան Ղարաբաղ մեկնելու համար, հաղորդում է ՌԻԱ Նովոստի-ն՝ հղում անելով Ռուսաստանի պաշտպանության նախարարությանը:
«Կենտրոնական ռազմական շրջանի խաղաղապահների առաջին ստորաբաժանումները ժամանել են Ուլյանովսկ-Վոստոչնի օդակայան: Խաղաղապահներն օդակայան կտեղափոխվեն Իլ-76 ռազմատրանսպորտային ինքնաթիռներով»,-ասված է հաղորդագրության մեջ:
Նշվում է, որ խաղաղապահները քայլերթից հետո սկսել են բարձել տեխնիկան եւ սպառազինությունը ռազմատրանսպորտային ավիացիայի ինքնաթիռների մեջ ղարաբաղյան հակամարտության գոտում հրադադարի վերահսկման ուղղությամբ խնդիրներն իրականացնելու համար:
Ավելի վաղ հայտնի էր դարձել, որ Ռուսաստանի, Հայաստանի եւ Ադրբեջանի առաջնորդները ստորագրել են համատեղ հայտարարություն Ղարաբաղում հրադադարի մասին: Ըստ ՌԴ նախագահի հրչեցրած հայտարարության՝ Լեռնային Ղարաբաղում հրադադարը կմեկնարկի նոյեմբերի 10-ին, Ադրբեջանն ու Հայաստանը կմնան իրենց զգաղեցրած դիրքերում, ինչպես նաեւ պետք է կատարեն ռազմագերիների փոխանակում: Ղարաբաղում կտեղակայվեն ռուսական խաղաղապահ զորքերը:
