Վրաստանի նախագահ Միխայիլ Սահակաշվիլիի եւ Թուրքիայի վարչապետ Ռեջեփ Թայիփ Էրդողանի դեմ առ դեմ հանդիպումը տեղի է ունեցել Բաթումիում` մայիսի 31-ին: Բանակցություններն ընթացել են ավելի քան 40 րոպե: Հանդիպումից հետո հայտարարություն չի արվել:
Ավելի ուշ Սահակաշվիլին եւ Էրդողանը կմեկնեն վրաց-թուրքական սահմանին գտնվող Սարփիի անցակետ, որտեղ նոր մաքսակետ կբացեն:
Այսօր նաեւ համաձայնագիր կստորագրվի, որի համաձայն երկու երկրների քաղաքացիները սահմանը կհատեն հեշտացված կարգով: Այդ համաձայնագրի համաձայն, Վրաստանի քաղաքացիները հունիսի 1-ից հնարավորություն կունենան հատել սահմանը միայն անձը հաստատող փաստաթղթով: