Անցորդներից աջակցության կոչեր են եղել. եղել են նաեւ սադրանքի փորձեր: Այս մասին յսօր՝ նոյեմբերի 24-ին, NEWS.am-ի հետ զրույցում նշեց կառավարության դիմաց Նիկոլ Փաշինյանի հրաժարականի պահանջով հացադուլ հայտարարեց ՀՅԴ անդամ Գարիկ Ավետիսյանը:
«Բնական երեւույթներ են, կպատահի: Փորձում էին գալ խոսակցություններով մեզ հունից հանել, բայց չի ստացվում:
Եթե Նիկոլ Փաշինյանը հրաժարական չտա, դուրս կգա, որ ինքը գնալու է բանակցությունների պարտվածի հոգեբանությամբ, պարտվածի կեցվածքով: Իմ կարծիքով, նա չի կարող նման իրավիճակում մասնակցել որեւէ փուլում բանակցությունների: Նա չգիտեմ՝ ինչ ժամանակ է շահում, ինչ ծրագրեր ունի, բայց համոզված եմ, որ հրաժարական է տալու»:
Նա հավելեց, որ հրաժարականի հիմքում հանրային ճնշումն է լինելու. «Մարդիկ կհասկանան, թե ինչ է կատարվել իրականում, ինչ ցավալի փոխզիջումների մասին էր նա խոսում»:
Նշենք, որ Գարիկ Ավետիսյանն ու ՀՅԴ անդամ Գեղամ Մանուկյանը հացադուլ են հայտարարել երեկ՝ նոյեմբերի 233-ին, իսկ այսօր նրանց է միացել ՍԴ նախկին անդամ Կիմ Բալայանը: