ՀՀ Մարդու իրավունքների առաջին պաշտպան Լարիսա Ալավերդյանն այսօր այցելել էր վարչապետ Նիկոլ Փաշինյանի հրաժարականի պահանջով հացադուլի մեջ գտնվող ՀՅԴ անդամներ Գեղամ Մանուկյանին, Գարիկ Ավետիսյանին եւ Սահմանադրական դատարանի նախկին անդամ Կիմ Բալայանին։

NEWS.am-ի հետ զրույցում անդրադառնալով ստեղծված իրավիճակին, Լարիսա Ալավերդյանն ասաց, որ պետք է  կազմավորել քաղաքացիական կամ հասարակական տրիբունալ.

«Անհրաժեշտ է շատ արագ ունենանք այդպիսի մարմին՝ հասարակական կարգով, որտեղ կսկսվի  գործընթաց՝ դատական բոլոր օրենքներով ու գործառույթներով։ Այդտեղ հնչեցվեն մեղադրանքներ, ապացույցներ, հրավիրվեն այն բոլոր մարդիկ, որոնք կարող են ցուցմունք տալ։ Եվ հստակեցնենք, որ ոչ միայն մեզ համար խիստ կասկածելի Գլխավոր դատախազությունն է, որ կարող է եզրակացություն տալ, այլեւ հասարակությունը»։